Remake Movie : సినీ నటుడు పవన్ కళ్యాణ్, ‘వకీల్ సాబ్’, ‘భీమ్లానాయక్’ సినిమాల తర్వాత చేయబోయే కొత్త సినిమా ఏంటి.? అంటే, ఆయన చేతిలో చాలా సినిమాలే వున్నాయిప్పుడు. అందులో సెట్స్ మీద వున్నది ‘హరిహర వీరమల్లు’ కాగా, సెట్స్ మీదకు వెళ్ళాల్సింది ‘భవదీయుడు భగత్సింగ్’.
ఇంతలోనే, ‘వినోదియ సితం’ అనే తమిళ సినిమాని పవన్ రీమేక్ చేయబోతున్నారంటూ ప్రచారం జరుగుతోంది. అదే ముందుగా పూర్తయిపోతుందట. ఆ తర్వాతే ‘హరిహర వీరమల్లు’ వుంటుందట. ‘భవదీయుడు భగత్ సింగ్’ మాటేమిటి.? అన్నది ఇంకో ప్రశ్న.
కాగా, ఇటీవల దర్శకుడు హరీష్ శంకర్, పవన్ కళ్యాణ్తో భేటీ అయ్యాడు.. అదీ ‘భీమ్లానాయక్’ సెట్స్లోనే. అప్పుడే, ‘భవదీయుడు భగత్ సింగ్’ సినిమా విషయమై ఇరువురి మధ్యా ఆసక్తికరమైన చర్చ జరిగిందట. ఎంత వేగంగా సినిమాని పూర్తి చేసెయ్యగలమన్నదానిపై ఇరువురూ చర్చించుకున్నారట.
‘వినోదియ సితం’ గనుక కాస్త లేటయ్యే అవకాశాలుంటే, నేరుగా ‘భవదీయుడు భగత్ సింగ్’ సెట్స్లోకి పవన్ వెళ్ళిపోవచ్చని అంటున్నారు. అదే నిజమైతే, హరీష్ శంకర్కి పెద్ద టెన్షన్ తగ్గిపోయినట్లే. ఇదిలా వుంటే, ఒరిజినల్.. స్ట్రెయిట్.. అనిపించేలా రీమేక్ సినిమా కోసం పవన్ సన్నిహితుడు, దర్శకుడు త్రివిక్రమ్ శ్రీనివాస్ ‘వేట’లో బిజీగా వున్నారని అంటున్నారు.