జియో అంటేనే సంచలనం. సంచలనాలకు కేరాఫ్ అడ్రస్ జియో. టెలికాం రంగంలో జియో తీసుకొచ్చిన సరికొత్త ప్లాన్లు ఎన్నో రికార్డులను సృష్టించాయి. మిగితా నెట్ వర్క్స్ అయితే జియో దెబ్బకు కుదేల్ మన్నాయి.
అలా ఎన్నో సంచలనాలను సృష్టించిన జియో… మరో సంచలనానికి తెర లేపుతోంది. ఇప్పటికే 2జీ కనెక్షన్ జియో ఫోన్లను తన వినియోగదారులకు బడ్జెట్ ధరలో అందించిన జియో.. అదే 2జీ కస్టమర్ల కోసం అత్యంత తక్కువ ధర కలిగిన జియో ఫోన్ ను తీసుకురాబోతోంది. అది కూడా 5జీ స్మార్ట్ ఫోన్. 4జీ కాలంలోనే 5జీ వైపు అడుగులేస్తోంది జియో.
తనకు ఉన్న సుమారు 30 కోట్ల 2జీ జియో ఫోన్ కస్టమర్లను టార్గెట్ చేసుకొని జియో ఈ ఫోన్ ను తీసుకురాబోతోంది. రాబోయే 5జీ జియో ఫోన్ ను కేవలం 2500 రూపాయలకే విక్రయించాలని జియో ప్లాన్ చేస్తోందట. అయితే.. ముందు ఈ ఫోన్ ను 5000 లోపు విక్రయించాలని జియో ముందే అనుకున్నప్పటికీ… దాన్ని క్రమంగా 2500 నుంచి 3000 లోపు విక్రయించాలని జియో ప్లాన్ చేస్తోంది.
అయితే.. ఈ ఫోన్ కు సంబంధించిన అఫిషియల్ ప్రకటన జియో నుంచి రాలేదు కానీ.. జియో ఈ ఫోన్ పై ప్రస్తుతం వర్క్ చేస్తున్నట్టు తెలుస్తోంది. అయితే.. ప్రస్తుతం మార్కెట్ లో 5జీ స్మార్ట్ ఫోన్ల ధర కనీసం 25 వేలుగా ఉంది.