Rashmika Lost Two Big Projects : టాలీవుడ్తో పాటు, బాలీవుడ్లోనూ, అలాగే కోలీవుడ్లోనూ రష్మిక మండన్నా హవా నడుస్తోంది ప్రస్తుతం. స్టార్ హీరోలంతా రష్మిక వైపే మొగ్గు చూపుతున్నారు టాలీవుడ్లో. కోలీవుడ్లో కొన్ని ప్రెస్టీజియస్ సినిమాలు, బాలీవుడ్లోనూ ఈ మధ్య బిగ్ ఆఫర్లు పట్టేస్తోంది రష్మిక మండన్నా.
ఎక్కడ నుండి ఎన్ని ఆఫర్లు వచ్చినా టాలీవుడ్ నా పుట్టిల్లు అని మెత్త మెత్తగా తెలుగు తంబీల్ని బుట్టలో వేసేస్తుందనుకోండి. అయితే, ఈ మధ్య రష్మికపై ఓ పుకారు షికారు చేస్తోంది. హిందీ, తమిళ పరిశ్రమల్లో రష్మికకు కొన్ని బిగ్ ప్రాజెక్ట్ ఆఫర్లు వచ్చాయట. అయితే, అనూహ్యంగా అవి మిస్ అయిపోయాయట.
తమిళంలో స్టార్ హీరో విజయ్ సరసన రష్మిక నటిస్తోందంటూ అప్పుడెప్పుడో పుకార్లు వచ్చిన మాట తెలిసిందే. అయితే, ఈ సారి అది పుకారు కాదు, నిజంగానే విజయ్ ప్రాజెక్టును పట్టేసింది రష్మిక అంటూ దాదాపు కన్ఫామ్ చేసేస్తూ వేడి వేడిగా వార్తలు వడ్డించేశారీ మధ్య.
కానీ, ఆ ప్రాజెక్టులో తాజాగా దిశా పటానీ పేరు వినిపిస్తోందట. రష్మిక దాదాపు అవుట్ అంటున్నారు. అలాగే, బాలీవుడ్లోనూ ఓ ప్రాజెక్ట్ రష్మిక చేయి దాటిపోయిందట. సందీప్ రెడ్డి వంగా – రణ్బీర్ కపూర్ కాంబినేషన్లో ‘యానిమల్’ అనే సినిమా తెరకెక్కుతోంది. ఈ సినిమాలో పరిణీతి చోప్రా హీరోయిన్గా నటించాలి. అనివార్య కారణాల వల్ల ఆమె తప్పుకోగా, ఆ ప్లేస్ రష్మిక మండన్నాకి దక్కిందని ప్రచారం జరిగింది.
ఏం జరిగిందో ఏమో తెలీదు కానీ, తాజాగా ఈ ప్రాజెక్టులోకి శ్రద్ధా కపూర్ పేరు వచ్చి చేరిందట. రష్మిక విషయంలో ఏంటీ గందరగోళం.? అంటూ ఆమె అభిమానులు టెన్షన్ పడుతున్నారట.