Rashmika: నేషనల్ క్రష్ రష్మికా గురించి ప్రత్యేకంగా చెప్పాల్సిన పని లేదు. ఈమె ఇండస్ట్రీలోకి వచ్చిన అతి తక్కువ సమయంలోనే స్టార్ హీరోయిన్ గా కొనసాగుతూ ఏకంగా పాన్ స్థాయి చిత్రాల్లో నటించే అవకాశాలను దక్కించుకున్నారు. ఇలా పుష్ప సినిమా ద్వారా పాన్ ఇండియా హీరోయిన్ గా మారిపోయిన రష్మిక ఇప్పటికే బాలీవుడ్ ఇండస్ట్రీలో రెండు సినిమాలకు గ్రీన్ సిగ్నల్ ఇవ్వగా మరొక సినిమా చర్చల దశలో ఉన్నట్లు తెలుస్తుంది.ఇలా వరుసగా బాలీవుడ్ సినిమాలకు గ్రీన్ సిగ్నల్ ఇస్తూ ఎంతో బిజీగా ఉన్న ఈ ముద్దుగుమ్మ త్వరలోనే ముంబై మకాం మార్చబోతున్నట్టు తెలుస్తోంది.
ఈ క్రమంలోనే వరుసగా బాలీవుడ్ చిత్రాల్లో నటించాలనే ఉద్దేశంతో ఉన్న రష్మిక తరచూ ముంబై వెళ్లి రావాలంటే కష్టమవుతుంది కనుక అక్కడే ఒక సొంత ఇంటిని ఏర్పాటు చేసుకోవాలని భావిస్తున్నట్లు తెలుస్తోంది. ఇప్పటికే ముంబైలో ఒక కాస్ట్లీ ఇంటిని ఈ ముద్దుగుమ్మ కొనుగోలు చేసినట్లు సమాచారం. ఈ క్రమంలోనే త్వరలోనే తన నూతన ఇంటిలోకి అడుగు పెట్టబోతున్నట్లు తెలుస్తుంది.ఈ సందర్భంగా రష్మిక సోషల్ మీడియా ద్వారా చేస్తున్న పోస్ట్ బట్టి చూస్తుంటే త్వరలో రష్మిక గృహప్రవేశం చేసే అవకాశాలు కనిపిస్తున్నాయి.
ఈ సందర్భంగా రష్మిక సోషల్ మీడియా వేదికగా స్పందిస్తూ… తన సామాన్లన్నీ ప్యాక్ చేసుకోవడానికి చాలా కష్టపడుతున్నట్లు పేర్కొన్నారు. రష్మిక ఈ విధంగా సోషల్ మీడియా వేదికగా ఈమె తెలియజేయడంతో చాలామంది రష్మిక కొత్త ఇంటిని కొనుగోలు చేసిందా… అందుకే సోషల్ మీడియా ద్వారా ఈ విషయాన్ని తెలియజేస్తుందా అంటూ కామెంట్ చేస్తున్నారు. గత కొద్ది రోజుల క్రితం నటి పూజా హెగ్డే కూడా ముంబైలో ఇంటిని కొనుగోలు చేసి గృహప్రవేశం చేసిన సంగతి మనకు తెలిసిందే. ఈ క్రమంలోనే ఈమె కూడా పూజ బాటలోనే త్వరలోనే గృహప్రవేశ కార్యక్రమాన్ని ఏర్పాటు చేయనున్నట్లు చాలామంది భావిస్తున్నారు.