Rashmi Gautam: టాలీవుడ్ ఇండస్ట్రీలో బుల్లితెర మీద సందడి చేస్తున్న యాంకర్లలో రష్మి కూడా ఒకరు. ఈటీవీలో ప్రసారమవుతున్న ఎక్స్ ట్రా జబర్దస్త్ కామెడీ షో ద్వారా యాంకర్ గా రష్మీ మంచి గుర్తింపు సంపాదించుకుంది. రష్మీ తన యాంకరింగ్ తో పాటు తన అందాలతో కూడా బుల్లితెర ప్రేక్షకులను తన అభిమానులుగా మార్చుకుంది. ఇక సోషల్ మీడియాలో తన అందమైన ఫోటోలు షేర్ చేస్తూ రష్మీ చేసే అంతా ఇంతా కాదు. రేష్మి యాంకర్ గా మాత్రమే కాకుండా పలు సినిమాలలో నటించి నటిగా కూడా తన సత్తా నిరూపించుకుంది. ఆమె నటించిన సినిమాలు సక్సెస్ కాకపోవడంతో మళ్ళీ బుల్లితెర మీద సందడి చేస్తోంది.
రష్మి ఇలా యాంకర్ గా, నటిగా మాత్రమే కాకుండా సుధీర్ ప్రేయసిగా కూడా బాగా పాపులర్ అయ్యింది. జబర్దస్త్ కామెడీ షో ద్వారా ఫేమస్ అయిన జంటలలో సుధీర్ రష్మీ కూడా ఒకటి. ఆన్ స్క్రీన్ మీద వీరి మధ్య ఉండే రొమాంటిక్ పర్ఫార్మెన్స్ వల్ల వీరిద్దరు లవ్ లో ఉన్నట్టు చాలా వార్తలు వినిపించాయి. ఇప్పటికి కూడా చాలామంది వీరిద్దరూ ప్రేమికులని నమ్ముతున్నారు. అయితే రష్మీ మాత్రం ఈ వార్తలను ఎప్పటికప్పుడు కొట్టిపారేస్తూ అది కేవలం ప్రేక్షకులను ఆకట్టుకోవడానికి మాత్రమే అని క్లారిటీ ఇచ్చింది. అయితే వీరిద్దరూ నిజ జీవితంలో కూడా ఇలా కలిసి ఉంటే చాలా బాగుంటుంది అని వారి అభిమానులు ఆశాభావం వ్యక్తం చేస్తున్నారు.
ఇప్పటికే పలు టీవీ షో లలో సుధీర్, రష్మీ లకు పెళ్లి జరిగిన సంఘటనలు చాలా ఉన్నాయి. తాజాగా మళ్లీ పెళ్లి కూతురు గెటప్ లో ప్రేక్షకులకు దర్శనమిచ్చింది. ఈవారం ప్రసారం కాబోయే జబర్దస్త్ ఎపిసోడ్ కి సంబంధించిన ప్రోమో విడుదల అయింది. ఈ ప్రోమో చివరిలో రేష్మి తెల్ల చీర కట్టుకొని పెళ్లికూతురులా ముస్తాబయింది. అయితే పెళ్లికూతురు పక్కన కూర్చున్న వరుడిని మొత్తం పూలతో మొహం కనిపించకుండా కప్పేశారు. దీంతో పెళ్ళి కొడుకు గెటప్ లో ఉన్నది సుధీర్ ..? లేక వేరే ఎవరైనా ఉన్నారా అంటూ ప్రేక్షకులు అనుమానం వ్యక్తం చేస్తున్నారు. అయితే రష్మి పక్కన పెళ్ళికొడుకు గెటప్ లో ఉన్నది ఎవరో తెలియాలంటే ఈ ఎపిసోడ్ ప్రసారం అయ్యే వరకు వేచి చూడాల్సిందే.