Raag Mayur: ఆ విషయంలో ఫహాద్, రాజ్ కుమార్ రావ్ బాటలో నడుస్తున్న రాగ్ మయూర్.!

ప్రస్తుతం ఆమెజాన్ ప్రైమ్ వీడియోలో స్ట్రీమింగ్ అవుతున్న వెబ్ సిరీస్ సివరపల్లి. ప్రస్తుతం పాజిటివ్ టాక్ తో ఈ సిరీస్ దూసుకుపోతోంది. అయితే ఈ సినిమా విడుదలైన రోజునే సుకుమార్ కూతురు నటించిన గాంధీ తాత చెట్టు సినిమా కూడా విడుదలైన విషయం తెలిసిందే. ఈ సినిమాకు కూడా మంచి ప్రశంసలు దక్కాయి. అయితే వీటిలో సివరపల్లి వెబ్ సిరీస్ లో హీరోగా గాంధీ తాత చెట్టు సినిమాలో విలన్ గా నటించారు రాగ్ మయూర్. ఇలా ఈయన నటించిన సినిమా వెబ్ సిరీస్ ఒకే రోజు ప్రేక్షకుల ముందుకు వచ్చాయి. రెండు పాత్రలు కూడా ఆయనకు మంచిగానే గుర్తింపు తెచ్చిపెట్టాయి. కాగా రాగ్ మయూర్ సినిమాల విషయంలో బాలీవుడ్ హీరో రాజ్ కుమార్ రావు అలాగే మలయాళ హీరో ఫహద్ ఫాజిల్ ని ఫాలో అవుతున్నాడు.

భిన్నమైన స్క్రిప్స్ ఎంచుకుంటూ ఫుల్ బిజీ బిజీగా గడుపుతున్నాడు. అయితే చదువులో స్టేట్ టాపర్ అయిన రాగ్ మయూర్ ఊహించని విధంగా ప్రశాంతంగా చదువులు మనసి పూర్తిగా సినిమాలపై శ్రద్ధ పెట్టారు. మొదటి సినిమాల గురించి రివ్యూస్ రాసే స్థాయి నుంచి నేడు హీరో విలన్ గా నటించే స్థాయికి ఎదిగారు. తన అద్భుతమైన నటనతో ఎంతోమందిని మెప్పిస్తూ ఎంతో మందికి ఆదర్శంగా నిలుస్తున్నారు. కాగా రాగ్ మయూర్ చేసిన మొదటి సినిమా సినిమా బండి. మరిడేష్ బాబు అనే పాత్రతో ఒక్కసారిగా మెరిశాడు. ఆ పాత్రలో రాగ్ మయూర్ నటన, కామిక్ టైమింగ్, నేచురల్ గా అనిపించగా సినిమా సక్సెస్ కావడంలో కీలక పాత్ర పోషించాయి. ఇక ఆ తర్వాత రాగ్ మయూర్ భిన్నమైన పాత్రలు ఎంచుకుంటూ వెళుతున్నాడు.

భిన్నమైన జానర్ సినిమాలు చేస్తూ అందులో భాగంగానే కీడా కోలా అనే సినిమాలో లాయర్ గా, బ్రహ్మానందం మనవడి పాత్రలో ఆకట్టుకున్నారు. ఆ తర్వాత వచ్చిన వీరాంజనేయులు విహార యాత్రలో కూడా ఒక స్టార్టప్ మొదలు పెట్టాలని పరితపించే సగటు కుర్రాడిగా ఆకట్టుకున్నారు. అయితే ఒకేసారి రెండు పాత్రలతో ప్రేక్షకులను పలకరించిన్నప్పటికీ ఒక పాత్రతో మరో పాత్రకి సంబంధం ఉండదు. అలా భిన్నమైన పాత్రలు చేస్తూ రాగ్ మయూర్ ఆకట్టుకుంటున్నాడు. ఇటీవల రిలీజ్ అయిన సివరపల్లి సిరీస్ లో అసలు ఏమాత్రం ఉద్యోగం ఇష్టం లేకుండా చేసే పంచాయితీ సెక్రటరీ పాత్రలో అద్భుతమైన నటన కనబరిచాడు. అలాగే గాంధీ తాత చెట్టు సినిమాలో నెగిటివ్ షేడ్స్ ఉన్న పాత్రలో నటించి ప్రశంసలు అందుకున్నారు.