Prashanth Neel : ప్యాన్ ఇండియా సూపర్ స్టార్ ప్రభాస్ కి ఇప్పుడు కాస్త బ్యాడ్ టైం నడుస్తున్నా ఈ తర్వాత చెయ్యబోయే సినిమాలు మాత్రం అందరి అంచనాలుకి తగ్గట్టు భారీ వసూళ్లు అందుకోవడం గ్యారెంటీ అని ట్రేడ్ వర్గాల వారు చెబుతున్నారు. అయితే ఈ సినిమాల్లో భారీ స్థాయి అంచనాలు నెలకొల్పుకొని ఉన్న మరో సినిమా “సలార్”.
శాండిల్ వుడ్ స్టార్ దర్శకుడు ప్రశాంత్ నీల్ తెరెకెక్కిస్తున్న ఈ సినిమా ఇండియన్ సినిమా నుంచి మరో అతి పెద్ద ఏక్షన్ సినిమాగా వస్తుంది. అయితే ఈ చిత్రం మొదలు పెట్టిన స్టార్టింగ్ లో సినిమా స్టిల్స్ గాని ప్రభాస్ లుక్స్ చేసి అంతా ఈ సినిమా ఒక రీమేక్ అని టాక్ వచ్చింది.
అలాగే ఓ సందర్భంలో ఐతే సినిమా సంగీత దర్శకుడు రవి బాసృర్ కూడా ఈ సినిమా ప్రశాంత్ నీల్ ఫస్ట్ సినిమా “ఉగ్రమ్” కి రీమేక్ గా చేస్తున్నామని చెప్పడంతో ఒక్కసారిగా అందరికీ ఒక క్లారిటీ వచ్చింది. కానీ దీనితో ప్రభాస్ ఫ్యాన్స్ కాస్త డిజప్పాయింట్ కాగా అది గ్రహించిన ప్రశాంత్ నీల్ ఈ సినిమా రీమేక్ కాదని తెలిపారు.
అయితే అప్పుడు అది అనధికారికం కాగా ఇప్పుడు ఈ సినిమాపై కేజీఎఫ్ 2 ప్రమోషన్స్ లో ప్రశాంత్ నీల్ ఒక ఫైనల్ క్లారిటీ ఇచ్చాడు. ఈ సినిమా దేనికి కూడా రీమేక్ కాదని అలాగే దేని నుంచి కూడా బేస్ లైన్ తీసుకున్నది కాదని పూర్తిగా కొత్త సినిమా అని తెలిపాడు. కాకపోతే ఉగ్రమ్ లో కొన్ని షేడ్స్ నాకు ఇష్టం కాబట్టి ప్రభాస్ ని అలా చూపించాం తప్ప సినిమా మాత్రం పూర్తిగా కొత్త కథలో ఉంటుందని తెలిపాడు. దీనితో ఫైనల్ గా ప్రభాస్ అభిమానులు కాస్త ఊపిరి పీల్చుకున్నారు.