Pradeep Machiraj: టాలీవుడ్ స్టార్ హీరో ప్రదీప్ గురించి ప్రత్యేకంగా పరిచయం అక్కర్లేదు. ప్రదీప్ ప్రస్తుతం ఒకవైపు బుల్లితెరపై పలు షోలకు యాంకర్ గా వ్యవహరిస్తూనే మరొకవైపు సినిమాలలో హీరోగా అవకాశాలను అందుకుంటున్న విషయం తెలిసిందే. మొన్నటి వరకు బుల్లితెరపై ఉన్న మేల్ యాంకర్స్ లో ఒకరిగా రాణించిన ప్రదీప్ ఇప్పుడు హీరోగా మారి సినిమాలు చేస్తున్నాడు. ఇప్పటికే హీరోగా ప్రదీప్ 30 రోజుల్లో ప్రేమించడం ఎలా అనే సినిమాలో నటించిన విషయం తెలిసిందే.
ఈ సినిమా భారీ అంచనాల నడుమ విడుదల అయ్యి మంచి హిట్ ని సాధించింది. అయితే ఇప్పుడు తన రెండో సినిమాతో ప్రేక్షకుల ముందుకు రాబోతున్నాడు ప్రదీప్. అక్కడ అమ్మాయి ఇక్కడ అబ్బాయి అనే సినిమాతో త్వరలో ప్రేక్షకుల ముందుకు రాబోతున్నారు. ఇందులో సోషల్ మీడియా ద్వారా బాగా పాపులారిటీ సంపాదించుకున్న దీపికా పిల్లి హీరోయిన్గా నటిస్తున్న విషయం తెలిసిందే.
జబర్దస్త్ ద్వారా మంచి గుర్తింపు తెచ్చుకున్న డైరెక్టర్ నితిన్ భరత్ లు ఈ సినిమాకు దర్శకత్వం వహిస్తున్నారు. ఇప్పటికే షూటింగ్ ని పూర్తి చేసుకున్న ఈ సినిమా ప్రస్తుతం పనులు జరుపుకుంటోంది. ఇది ఇలా ఉంటే తాజాగా ఈ సినిమా నుంచి మొదటి పాటని విడుదల చేశారు మూవీ మేకర్స్. “ఎవ్వడో ఈడికొచ్చినాడు సూడు.. సక్కగా గుండె గిల్లినాడు ఈడు.. లే లే లే..”అంటూ సాగే ఈ పాటను శ్రీధర్ అవునూరి రాయగా రధన్ సంగీత దర్శకత్వంలో ఉదిత్ నారాయణ పాడారు.
ఈ పాటకు శేఖర్ మాస్టర్ స్టెప్స్ కంపోజ్ చేసారు. ప్రస్తుతం ఇందుకు సంబంధించిన పాఠశాల మీడియాలో వైరల్ అవ్వడంతో ఇది మెలోడీ సాంగ్ అని అలాగే పల్లెటూరి కథ నేపథ్యంలో సినిమా ఉంటుందని అభిప్రాయం వ్యక్తం చేస్తున్నారు అభిమానులు. మరి ప్రదీప్ ఈ సినిమాతో ఎలాంటి సక్సెస్ ను అందుకుంటారు చూడాలి మరి. ఒకవేళ ఈ సినిమా హిట్ అయితే అటు దీపికా కు ఇటు ప్రదీప్ కి ఇద్దరికీ సినిమా అవకాశాలు క్యూ కట్టడం ఖాయం అని చెప్పవచ్చు.