Radhe Shyam : ప్రపంచ సినిమా దగ్గర మన దేశపు సినిమాలు ఇప్పుడు మరింత స్థాయిలో అదిరే స్టాండర్డ్స్ ని సెట్ చేస్తున్నాయి. మరి వాటిలో మన దక్షణాది సినిమా నుంచే చాలా ఉండడం విశేషం. దీనితో ఆ అంచనాలు మ్యాచ్ చెయ్యాలి అంటే సినిమా క్వాలిటీ పరంగా భారీ బడ్జెట్ పెట్టక తప్పదు. అందుకే అత్యున్నత ప్రమాణాలతో సరికొత్త టెక్నాలజీస్ తో మన వాళ్ళు సినిమాలు తెరకెక్కిస్తున్నారు.
మరి ఇప్పుడు అలా భారీ బడ్జెట్ తో హ్యుజ్ స్కేల్ లో తెరకెక్కించిన మరో సినిమా “రాధే శ్యామ్” కూడా ఒకటి. పాన్ ఇండియా స్టార్ ప్రభాస్ హీరోగా చేసిన ఈ భారీ సినిమాని ఇంకొన్ని రోజుల్లో చిత్ర యూనిట్ రిలీజ్ చెయ్యనున్నారు. ఇక ఈ సినిమాకి వందల కోట్లలోనే బడ్జెట్ అయ్యిందని తెలిసిందే కానీ ఎగ్జాక్ట్ గా ఫిగర్ అయితే చాలా మందికి తెలియదు.
మొదట్లో అయితే 200 కోట్ల లోపు సినిమాని తియ్యాలి అనుకున్నారని తెలిసింది. కానీ ఇప్పుడు అసలు ఈ సినిమాకి యూవీ క్రియేషన్స్ వారు టోటల్ గా ఎంత పెట్టారో ప్రభాస్ నే రివీల్ చేసేసాడు. లేటెస్ట్ గా తమిళ్ ఇండస్ట్రీ లో చేసిన ప్రమోషన్స్ లో భాగంగా మా సినిమాని నిర్మాతలు 300 కోట్లు ఖర్చు చేసి తెరకెక్కించారని రివీల్ చేశారు.
అయితే దీనికి తగ్గట్టే సినిమా బిజినెస్ భారీ స్థాయిలో అయ్యిపోయింది అలాగే దీనిని మూడు రోజుల్లోనే రాబట్టేసే సత్తా ప్రభాస్ స్టార్డం కి కూడా ఉంది. మరి రిలీజ్ అయ్యాక ఈ సినిమా బాక్సాఫీస్ మోత ఎలా ఉంటుందో చూడాలి. ఇంకా ఈ సినిమాలో పూజా హెగ్డే హీరోయిన్ గా నటించగా దర్శకుడు రాధా కృష్ణ హాలీవుడ్ లెవెల్లో ఈ సినిమా తెరకెక్కించాడు.