అందరి డార్లింగ్ హీరో ప్రభాస్ ఇప్పుడు తన కెరీర్ ని మరో స్థాయిలో డిజైన్ చేసుకుంటూ వెళుతున్నాడు. బాహుబలి తర్వాత వచ్చిన పాన్ ఇండియా స్టార్డం ని ఇప్పుడు ప్రపంచ స్థాయికి తీసుకెళ్తున్నాడు. మరి నిన్ననే సంచలన దర్శకుడు సందీప్ తో భారీ సినిమా 8 భాషల్లో అనౌన్స్ చేసి సంచలనం రేపాడు.
అయితే దీనిపై ఓ ఇంట్రెస్టింగ్ బజ్ కూడా వినిపిస్తుంది. ఈ సినిమాతో అట ప్రభాస్ అభిమానులకు ఎప్పుడు నుంచో ఉన్న ఒక కల నెరవేరబోతుందట. ప్రభాస్ ని పూర్తిగా సాలిడ్ పోలీస్ రోల్ లో ఓ సినిమాతో చూడాలని ప్రభాస్ అభిమానుల్లో ఎప్పుడు నుంచో ఉన్న కోరిక.
మరి దానిని సందీప్ రెడ్డి వంగ తన స్పిరిట్ సినిమాతో నెరవేర్చబోతున్నాడని సరికొత్త గాసిప్ ఇప్పుడు వైరల్ అవుతుంది. అయితే ఇది ఎంతవరకు నిజమో కానీ నిజం అయితే మాత్రం ప్రభాస్ అభిమానుల చిరకాల కోరిక నెరవేరినట్టే అని చెప్పాలి. అలాగే ఈ చిత్రం చిత్రీకరణ వచ్చే ఏడాదిలోనే స్టార్ట్ కానున్నట్టు తెలుస్తుంది.