రెబ‌ల్ స్టార్ కృష్ణం రాజు న‌ట వార‌సుడిగా ఇండ‌స్ట్రీలోకి ఎంట్రీ ఇచ్చిన ప్రభాస్ ఛ‌త్ర‌ప‌తి సినిమాతో మంచి గుర్తింపు తెచ్చుకున్నాడు. ఇందులో ప్రభాస్ న‌ట‌న, ఆయ‌న నోటి నుండి వెలువ‌డిన డైలాగులు ప్రేక్ష‌కుల‌ని సంభ్ర‌మాశ్చర్యాల‌కు గురి చేశాయి. ఛ‌త్ర‌ప‌తి నుండి మొద‌లైన ప్రభాస్ ప్ర‌భంజ‌నం బాహుబ‌లి సినిమాతో రెట్టింపు అయింది. దేశ విదేశాల‌లో ఆయ‌న ఖ్యాతి పెరిగింది. ముఖ్యంగా జ‌పాన్‌లో ప్ర‌భాస్‌కు డై హార్డ్ ఫ్యాన్స్ ఎక్కువ‌య్యారు. ప్రభాస్ బ‌ర్త్‌డేకు జ‌పనీస్ కొంద‌రు ఆయ‌న‌ను క‌లిసేందుకు ప్ర‌త్యేకంగా ఇండియాకు వ‌స్తుంటారు.
బాహుబ‌లి సినిమా త‌ర్వాత ప్రభాస్ చేసిన సాహో చిత్ర కాస్త నిరాశ ప‌ర‌చ‌గా, ఇప్పుడు రాధే శ్యామ్ అనే చిత్రంతో త్వ‌ర‌లో ప్రేక్ష‌కుల ముందుకు రాబోతున్నాడు. ఈ సినిమా ప్ర‌స్తుతం పోస్ట్ ప్రొడ‌క్ష‌న్ కార్య‌క్ర‌మాలు జ‌రుపుకుంటుంది. స‌మ్మ‌ర్ వ‌ర‌కు సినిమాని రిలీజ్ చేసే ప్లాన్ లో ఉన్నారు మేక‌ర్స్. ఇక ప్ర‌తిష్టాత్మ‌క చిత్రాలు స‌లార్, ఆదిపురుష్ మూవీస్ కి సంబంధించిన షూటింగ్ ఫిబ్ర‌వ‌రి నుండి మొద‌లు కానుంది. ఇక నాగ్ అశ్విన్ ద‌ర్శ‌క‌త్వంలో రూపొంద‌నున్న ఈ చిత్రం ప్ర‌స్తుతం ప్రీ ప్రొడ‌క్ష‌న్ కార్య‌క్ర‌మాలు జ‌రుపుకుంటుండ‌గా, ఈ చిత్రాన్ని వ‌ర‌ల్డ్ వైడ్ రేంజ్‌లో తెర‌కెక్కించ‌నున్నారు.
ప్రభాస్ రేంజ్ రోజురోజుకు పెరుగుతూ పోతుంది. ఇప్పుడు అంత‌ర్జాతీయ స్థాయి రేంజ్‌కు వెళ్ళిన ప్రభాస్ అనేక రికార్డులు సాధిస్తున్నాడు. కొద్ది రోజుల క్రితం ఇన్‌స్టాగ్రామ్ ఖాతా తెరిచిన ప్రభాస్ తాజాగా త‌న ఫాలోవర్స్ సంఖ్యను 6 మిలియ‌న్స్‌కు పెంచుకున్నాడు. అతి త‌క్కువ టైంలో ఇంతమంది ఫాలోవర్స్ సంపాదించిన ఇండియన్ హీరోగా రికార్డ్ సృష్టించాడు. ఆ మధ్య పేస్ బుక్ లోను ఫాస్టెస్ట్ 20 మిలియన్ ఫాలోవర్స్ ను సాధించిన హీరోగా రికార్డు సెట్ చేశాడు. అతి త‌క్కువ పోస్ట్‌ల‌తో ప్రభాస్ ఈ రికార్డులు సెట్ చేయడం గ్రేట్ అనే చెప్పాలి.