ప్రస్తుతం ఫుల్ స్వింగ్ లో ఉన్న హీరోయిన్స్ లో బుట్ట బొమ్మ ‘పూజా హెగ్డే’కు ఫస్ట్ ప్లేస్ ఇవ్వాలి. అమ్మడు టాలీవుడ్, కోలీవుడ్, బాలీవుడ్ లో వరుసపెట్టి భారీ ప్రాజెక్ట్స్ చేస్తూ క్షణం తీరిక లేకుండా షూటింగ్ లతో బిజీగా ఉంటుంది. జిల్ ఫేమ్ రాధాకృష్ణ దర్శకత్వంలో యంగ్ రెబల్ స్టార్ ప్రభాస్ హీరోగా తెరకెక్కుతున్న చిత్రం ‘రాధేశ్యామ్’ లో హీరోయిన్ గా నటిస్తుంది. పీరియాడికల్ జోనర్ లో భారీ బడ్జెట్ తో నిర్మాణమవుతున్న ఈ పాన్ ఇండియా మూవీ ప్యాచ్ వర్క్ షూటింగ్ ప్రస్తుతం హైదరాబాద్ లో జరుగుతుంది. అయితే నిన్నటితో పూజ పాప తన పార్ట్ షూటింగ్ కంప్లీట్ అవటంతో ప్రభాస్ కి బాయ్ చెప్పేసింది.
ఆ వెంటనే చెన్నై వెళ్లి విజయ్ హీరోగా తెరకెక్కుతోన్న ‘బీస్ట్’ సినిమా షూటింగ్ లో జాయిన్ అయ్యింది. విజయ్, పూజ జంటపై చెన్నైలోని గోకులం స్టూడియోలో వేసిన భారీ సెట్స్ లో ఓ పాటను చిత్రీకరిస్తున్నారు. ఈ పాటకు జానీ మాస్టర్ కొరియోగ్రఫీ అందిస్తున్నారని సమాచారం. నెల్సన్ దిలీప్‌కుమార్ దర్శకత్వంలో యాక్షన్ ఎంటర్టైనర్ గా తెరకెక్కుతున్న ఈ మూవీని సన్ పిక్చర్స్ నిర్మిస్తుంది. ఇటీవల విజయ్ బర్త్ డే సందర్భంగా ఈ చిత్రం నుంచి విడుదలైన పోస్టర్స్ అభిమానులని విపరీతంగా ఆకట్టుకున్నాయి.