Pooja Hedge: దక్షిణాది సినీ ఇండస్ట్రీలో స్టార్ హీరోయిన్ కి ఎంతో మంచి గుర్తింపు సంపాదించుకున్న పూజా హెగ్డే ఆ తర్వాత బాలీవుడ్ ఇండస్ట్రీలో కూడా ఎన్నో మంచి అవకాశాలు అందుకుంటూ దూసుకుపోతుంది. ఈ క్రమంలోనే ప్రస్తుతం బుట్ట బొమ్మ వరుస చిత్రాలతో ఎంతో బిజీగా గడుపుతున్నారు.ఇదిలా ఉండగా తాజాగా పూజా హెగ్డే బుల్లితెరపై ప్రసారమవుతున్న సింగిల్ కాంపిటీషన్ సరిగమప కార్యక్రమానికి ముఖ్యఅతిథిగా పాల్గొని బుల్లితెర ప్రేక్షకులను సందడి చేయనున్నారు.
ఈ క్రమంలోనే ఈ కార్యక్రమానికి సంబంధించిన ప్రోమో విడుదల చేయడంతో ఈ ప్రోమో సోషల్ మీడియాలో వైరల్ గా మారింది. ఇక ఈ కార్యక్రమానికి ఎంతోమంది టాలెంటెడ్ సింగర్స్ వారి నైపుణ్యాన్ని నిరూపించుకొనున్నారు. జీ తెలుగులో ప్రసారం కానున్న ఈ కార్యక్రమానికి శైలజ, కోటి ,అనంత శ్రీరామ్, సింగర్ స్మిత న్యాయనిర్ణేతలుగా వ్యవహరించనున్నారు. అదేవిధంగా ఈ కార్యక్రమానికి యంగ్ సింగర్స్ అంతా మెంటర్స్ గా వ్యవహరించినట్లు తెలుస్తోంది.
ఇలా ఈ కార్యక్రమం కొనసాగుతున్న సమయంలో బుట్టబొమ్మ పూజా హెగ్డే ఈ కార్యక్రమానికి గ్రాండ్ ఎంట్రీ ఇచ్చారు. ఈ విధంగా ఈ కార్యక్రమానికి మొదటి అతిథిగా వచ్చిన పూజా హెగ్డే ఎంతో అద్భుతంగా ఈ కార్యక్రమాన్ని ఆస్వాదించినట్లు తెలుస్తోంది.ఇక పూజా హెగ్డే వేదికపైకి రాగానే అక్కడ ఉన్నటువంటి సింగర్ పోటీపడి ఆమెకు ప్రపోజ్ చేశారు. ఇక తనతో కలిసి రాములో రాముల పాటకు చిందులు కూడా వేశారు. ప్రస్తుతం ఈ ప్రోమో సోషల్ మీడియాలో వైరల్ గా మారింది.