Teja Sajja: టాలీవుడ్ యంగ్ హీరో తేజ సజ్జా గురించి ప్రత్యేకంగా పరిచయం అక్కర్లేదు. చైల్డ్ ఆర్టిస్ట్ గా ఎన్నో సినిమాలలో నటించి మంచి గుర్తింపు తెచ్చుకున్న తేజ ఆ తర్వాత జాంబిరెడ్డి మూవీ తో హీరోగా ఎంట్రీ ఇచ్చిన విషయం తెలిసిందే. ఈ సినిమా మంచి సక్సెస్ను సాధించడంతో ఆ తర్వాత హనుమాన్ అనే మూవీతో భారీ సక్సెస్ ను తన ఖాతాలో వేసుకున్నాడు. ఈ ఒక్క మూవీతో భారీగా క్రేజ్ ని పాపులారిటీని సంపాదించుకున్నాడు తేజ. ఇప్పుడు ఒక వైపు హోస్ట్ గా చేస్తూనే మరొకవైపు హీరోగా ప్రయత్నాలు చేస్తున్నాడు తేజ.
ప్రస్తుతం తేజ చేతిలో రెండు మూడు సినిమాలు ఉన్నట్లు తెలుస్తోంది. ఇది ఇలా ఉంటే తాజాగా తేజకు ఒక ఊహించని అనుభవం ఎదురయింది. ఒక పెద్దాయన ఆ ఊహించని విధంగా తేజా కాళ్ళ మీద పడ్డాడు. అసలేం జరిగిందంటే.. గోవాలో జరుగుతున్న ఐఎఫ్ఎఫ్ఐ ఫిలిం ఫెస్టివల్‌కు టాలీవుడ్ తరఫున అతిథిగా వెళ్లాడు తేజ. అక్కడ అతను హీరోగా నటించిన హనుమాన్ చిత్రాన్ని ప్రదర్శించారు. అనంతరం తేజ స్టేజ్ మీదికి వచ్చి ప్రేక్షకులకు అభివాదం చేస్తుండగా గుబురు గడ్డంతో ఉన్న ఒక పెద్దాయన వచ్చి తేజ కాళ్లకు మొక్కి ఆశ్చర్యపరిచాడు.
ఊహించని ఈ పరిణామానికి ఆశ్చర్యపోయిన తేజ.. ఆ పెద్దాయన్ని వారించే ప్రయత్నం చేశాడు. హనుమాన్ సినిమాలో హనుమంతుడు తేజ ఆవహించిన పాత్రలో కనిపిస్తాడన్న సంగతి తెలిసిందే. ఈ సినిమా చూసిన ఎవ్వరికైనా ఒక మంచి అనుభూతి కలుగుతుంది. ఆ భావనతోనే ఆ పెద్దాయన తేజకు పాదాభివందనం చేసినట్లున్నాడు. ఆ పెద్దాయన చేసిన పనికి ఒక్కసారి షాక్ అయ్యాడు తేజ. ప్రస్తుతం అందుకు సంబంధించిన ఫోటోలు వీడియోలు సోషల్ మీడియాలో వైరల్ గా మారాయి.