మూడు దశాబ్దాల సినీ జర్నీలో వెంకటేష్ అన్ని రకాల జోనర్స్ లో మూవీస్ చేసి ప్రేక్షకుల్ని అలరించాడు. అందులో ఎక్కువగా కుటుంబ కధా చిత్రాలు మంచి విజయాలు సాధించి వెంకటేష్ కెరీర్ ని నిలబెట్టాయని చెప్పొచ్చు. విక్టరీని ఇంటి పేరుగా మార్చుకుని టాలివుడ్ అగ్ర కధానాయకులలో ఒకరిగా కొనసాగటానికి ఆయన చెసిన ఫ్యామిలీ మూవీస్ ముఖ్య భూమిక పోషించాయి.
వెంకటేష్ సినిమాలతో హీరోయిన్ గా పరిచయమయిన అనేక మంది నటీమణులు చిత్ర పరిశ్రమలో టాప్ పొజిషన్ చేరారు.”ఇంట్లో ఇల్లాలు వంటింట్లో ప్రియురాలు” మూవీలో సౌందర్యతో పాటు మరో బొద్దుగుమ్మతో కలిసి వెంకటేష్ చేసిన రొమాన్స్ అభిమానులకి ఇప్పటికి గుర్తుంది. నేపాలీ అమ్మాయిగా నటించిన వినీత చక్కని అభినయనంతో మంచి గుర్తింపు దక్కించుకుంది. టాప్ రేంజ్ కి వెళ్తుందనుకుంటే తెలుగులో అవకాశాలు అందక మరో సినిమా చేయలేదు.
కానీ వినీత ఇతర భాషల్లో బాగానే సినిమాలు చేసినప్పటికీ త్వరగానే పెళ్లి చేసుకుని ఇండస్ట్రీ నుండి మాయమైంది. తాజాగా ఒక కార్యక్రమానికి హాజరయిన ఈవిడని ‘వినీత’ అని గుర్తు పట్టడానికి మీడియాకి చాలా టైం పట్టింది. ఆమె గుర్తుపట్టలేని విధంగా మారిపోయారు. మీడియాతో సరదాగా ముచ్చటించిన ఆవిడ ఆసక్తికర విషయాలు వెల్లడించారు. మంచి పాత్రలతో వస్తే మరలా సినిమాలు చేయటానికి ఎటువంటి అభ్యంతరాలు లేవని చెప్పుకొచ్చారు.