గలాట గీతు ఈ పేరు గురించి పెద్దగా పరిచయం అవసరం లేదు. టిక్ టాక్ వీడియోలు ద్వారా ఎంతో మంచి గుర్తింపు సంపాదించుకున్న ఈమె అనంతరం బిగ్ బాస్ రివ్యూల ద్వారా ఎంతో ఫేమస్ అయ్యింది. ఈ క్రమంలోనే ఈమె బుల్లితెరపై పలు కార్యక్రమాల ద్వారా ప్రేక్షకులను సందడి చేసే అవకాశాన్ని దక్కించుకుంది. ప్రస్తుతం ఈమె జబర్దస్త్, శ్రీదేవి డ్రామా కంపెనీ వంటి కార్యక్రమాల ద్వారా తన చిత్తూరు యాసతో పెద్ద ఎత్తున అభిమానులను సందడి చేస్తున్నారు.
ఇకపోతే తనకు మాట్లాడటం అంటే ఎంతో ఇష్టమని అందుకే తనుఆర్.జె కావాలనుకుంటున్నానని ఈమె వెల్లడించారు. ఇకపోతే తనకు అల్లు అర్జున్ ఎంతో ఇష్టమైన హీరో అని ఈ సందర్భంగా గీతు వెల్లడించారు.తాజాగా ఈమె ఒక యూట్యూబ్ ఛానల్ ఇంటర్వ్యూలో పాల్గొని గతంలో తనకు ఎదురైన ఒక సంఘటన గురించి తెలియజేశారు. తనకు హోస్టింగ్ చేయడం అన్నా కూడా చాలా ఇష్టమని ఈ క్రమంలోనే తనకు ఆస్ట్రేలియాలో జరుగుతున్న ఒక ఈవెంట్ కి వ్యాఖ్యాతగా వ్యవహరించే అవకాశం లభించిందని ఈ సందర్భంగా తెలియజేశారు.
ఆస్ట్రేలియాలో ఈవెంట్, భారీ రెమ్యూనరేషన్ మూడు రోజుల పాటు ఆస్ట్రేలియాలో ఉంటూ ఎంచక్కా షాపింగ్ చేయవచ్చని ఎంతో సంతోషం వ్యక్తం చేశాను. ఇక అన్ని సిద్ధమయ్యింది చివరికి టికెట్స్ బుక్ చేసుకునే సమయానికి ఈవెంట్ మేనేజర్ పీఏ నుంచి తనకు ఫోన్ వచ్చిందని తెలిపారు. అతను ఫోన్ చేసి పర్సనల్ గా అన్ని ఓకే కదా మేడమ్ అని అడిగారు.ఆయన అలా అడిగే సరికి నాకు సహాయం చేయడానికి అసిస్టెంట్లు గురించి అడుగుతున్నారేమోనని ఓకే అని చెప్పాను.అయితే ఆయన అలా కాదు మా మేనేజర్ గారితో మీకు పర్సనల్ గా ఓకేనా అని అడిగారు.అతను అలా అడిగే సరికి ఒక్కసారిగా ఈవెంట్ క్యాన్సిల్ చేసుకున్నానని ఈ సందర్భంగా గతంలో తనకు ఎదురైనా క్యాస్టింగ్ కౌచ్ గురించి వెల్లడించారు.