నందమూరి కుటుంబంలో బాలకృష్ణ, హరికృష్ణలు ప్రముఖులు. పలు రాజకీయ, కుటుంబ కారణాల వలన ఈ అన్నదమ్ముల నడుమ పొరపచ్చాలు చోటుచేసుకున్నాయి. అవి ఇప్పటికీ కొనసాగుతూనే ఉన్నాయి. హరికృష్ణ వారసులు ఎన్టీఆర్, కళ్యాణ్ రామ్ లకు బాలకృష్ణకు మధ్యన కూడ దూరం ఉంది. ఇది మరీ అంత తీవ్రమైన దూరం కాకపోయినా చిన్నదైతే కాదు. ఏదో ఫ్యామిలీ వేడుకల్లో మినహా వీరు కలుసుకోవడం చాలా అరుదు. బయటే ఇలా ఉంటే వీరు కలిసి సినిమా చేయడం అనేది ఊహించడం కూడ వృథానే అనాలి.
కానీ అప్పుడప్పుడు బాలయ్య, హరికృష్ణ వారసుల్లో ఎవరో ఒకరితో కలిసి వర్క్ చేస్తారనే పుకార్లు మాత్రం పుడుతూనే ఉన్నాయి. తాజాగా కూడ అనిల్ రావిపూడి సినిమాలో బాలకృష్ణతోపాటు కళ్యాణ్ రామ్ నటిస్తాడని అంటూ వచ్చారు. కానీ అందులో నిజం లేదని తేలింది. స్వయంగా అనిల్ రావిపూడి స్పష్టనిచ్చారు. బాలకృష్ణతో సినిమా చేసే ప్రయత్నం నిజమే కానీ అందులో కళ్యాణ్ రామ్ చేస్తారనేది నిజం కాదని, అసలు ఆ దిశగా తాను ప్రయత్నాలే చేయలేదని రావిపూడి అన్నారు. దీన్నిబట్టి బాలకృష్ణ, హరికృష్ణ వారసులు కలిసి వెండితెర మీద కనిపించడం జరిగేపని కాదని అర్థమవుతోంది.