మెగా డాటర్ నిహారిక గురించి ప్రత్యేకంగా పరిచయం చేయాల్సిన అవసరం లేదు. నిహారిక నాగబాబు కూతురులా మాత్రమే కాకుండా నటిగా తనకంటూ ఇండస్ట్రీలో ఒక మంచి గుర్తింపు సంపాదించుకుంది . మెగా ఫ్యామిలీ నుండి యాక్టింగ్ వైపు వచ్చిన మొట్టమొదటి అమ్మాయి నిహారిక. కుటుంబ నిబంధనలకు విరుద్ధంగా ఇండస్ట్రీలో అడుగు పెట్టి హీరోయిన్ గా తన కల నెరవేర్చకుంది. నిహారిక మొదట ఢీ షో కి హోస్ట్ గా పనిచేసింది. తర్వత పలు సినిమాలలో హీరోయిన్ గా కూడా నటించింది. అయితే హీరోయిన్ గా తను అంతగా సక్సెస్ కాలేకపోయింది.
వివాహం చేసుకున్న తర్వాత కొంతకాలం యాక్టింగ్ కి దూరంగా ఉన్న నిహారిక ఇప్పుడు వెబ్ సిరీస్ లో నటిస్తూ వాటిని నిర్మిస్తూ బిజీగా ఉంటుంది. ఈ మధ్యకాలంలో నిహారిక తరచూ ఏదో ఒక విషయంలో వార్తల్లో నిలుస్తోంది. తన భర్తతో విడాకులు తీసుకున్నట్లు కొంతకాలం వార్తలు వినిపించాయి. అంతేకాకుండా ఇటీవల పబ్ లో పట్టుబడటంతో నిహారిక మరింత నెగిటివ్ అవుతుంది. అయితే డబ్బు విషయంలో తనను ఎటువంటి తప్పు చేయలేదని నాగబాబు గారు తెలియచేశారు. ఇక విడాకుల గురించి వస్తున్న వార్తలకు ఒక్క పోస్టుతో నిహారిక చెక్ పెట్టింది. ఇటీవల నిహారిక తన భర్తతో కలిసి వెకేషన్ ఎంజాయ్ చేసింది ఆ వెకేషన్ కి సంబంధించిన ఫోటోలు కూడా సోషల్ మీడియాలో వైరల్ అయ్యాయి.
ప్రస్తుతం వెబ్ సిరీస్ లతో బిజీగా ఉన్న నిహారిక ఇప్పుడు తన లుక్ టోటల్ గా మార్చేసింది. పెళ్లయిన తర్వాత తన భర్తతో కలిసి నిహారిక రెగ్యులర్ గా వర్కౌట్లు చేస్తూ ఫొటోలను సోషియల్ మీడియాలో షేర్ చేస్తూ ఉంటుంది. ఇటీవల తమ జిమ్ ట్రైనర్ కొత్త జిమ్ ఓపెన్ చేసిన విషయాన్ని కూడా నిహారిక సోషల్ మీడియా ద్వారా షేర్ చేసింది. తాజాగా నిహారిక జిమ్ లో కష్టతరమైన వర్కౌట్ లు చేస్తోంది. అందుకు సంబందించిన ఫోటోలు కూడ సోషల్ మీడియాలో చక్కర్లు కొడుతోంది. ఇదిలా ఉండగా నిహారిక ఇలా తన లుక్ మార్చుకోవటానికి కారణమేంటి అని అనుమానాలు వినిపిస్తున్నాయి. అయితే సాధారణంగా ఇలా తన లుక్ మార్చుకుందా? లేక తను నటిస్తున్న వెబ్ సీరీస్ కోసం మార్చుకుందా? అన్న విషయం పై క్లారిటీ లేదు.