జయం, దిల్, సై, గుండెజారి గల్లంతయ్యిందే వంటి ఎన్నో సూపర్ హిట్ సినిమాలలో నటించిన హీరో నితిన్ గురించి ప్రత్యేకంగా పరిచయం చేయాల్సిన అవసరం లేదు. కొంతకాలం క్రితం నితిన్ నటించిన భీష్మ సినిమా కూడ మంచి హిట్ అందుకుంది. అయితే ఆ తర్వాత నితిన్ నటించిన రంగ్ దే, చెక్, మాస్ట్రో వంటి సినిమాలు ప్రేక్షకులను అలరించడంలో విఫలం అయ్యాయి. ప్రస్తుతం నితిన్ వక్కంతం వంశీ దర్శకత్వంలో సినిమా చేస్తున్న సంగతి అందరికీ తెలిసిన విషయమే. ప్రస్తుతం ఈ సినిమా షూటింగ్ పనులు వేగవంతంగా జరుగుతున్నాయి.
భీష్మ సక్సెస్ తర్వాత నితిన్ ప్రస్తుతం నటిస్తున్న సినిమా మీద చాలా నమ్మకం పెట్టుకున్నాడు. ఈ సినిమాలో మొదటిసారిగా నితిన్ ఒక రాజకీయ నాయకుడి పాత్రలో ప్రేక్షకులకు కనిపించనున్నాడు. ఇప్పటికే నితిన్ నటిస్తున్న మాచర్ల నియోజక వర్గం సినిమా టీజర్ విడుదల చేశారు. ఈ టీజర్ ప్రేక్షకులను బాగా ఆకట్టుకుంది. నితిన్ పుట్టినరోజు సందర్భంగా ఈ టీజర్ ని విడుదల చేశారు. ఈ సినిమా జూలై 8 వ తేది విడుదల కానున్నట్టు సమాచారం. ఇదిలా ఉండగా ఇటీవల నితిన్ నటిస్తున్న మాచర్ల నియోజక వర్గం సినిమా గురించి ఒక నెటిజన్ కామెంట్ చేశాడు.
ఎందుకయ్యా ఈ పొలిటికల్ కామెడీ సినిమాలు అంటూ ఒక నెటిజన్ చేసిన కామెంట్ కి స్పందించిన నితిన్ అదిరిపోయే సమధానం ఇచ్చాడు. ఈ సంధర్భంగా నితిన్ స్పందిస్తూ.. ఫేక్ రాజ చిల్ అవ్వు.. ఈ సారి ఈ సినిమాతో గట్టిగా కొడదాం. ఈ ట్వీట్ స్టోర్ చేస్కో అంటూ దిమ్మ తిరిగే సమధానం ఇచ్చాడు. దీంతో నితిన్ కి ఈ సినిమా దర్శకుడు మీద చాలా నమ్మకం ఉన్నట్టు కనిపిస్తోంది. జూలై 8 న విడుదల కాబోయే ఈ సినిమా నితిన్ ఊహించినట్టుగా హీట్ అవుతుందా..లేక ఈ సినిమా కూడా ప్రేక్షకులని నిరాశ పరుస్తుందో చూడాలి మరి.