లేడీ సూపర్ స్టార్ నయనతార జూన్ 9వ తేదీ ఎంతో ఘనంగా తన ప్రియుడు విగ్నేష్ శివన్ ను పెళ్లి చేసుకున్న విషయం మనకు తెలిసిందే. ఇకపోతే వీరి వివాహ ఫోటోలు వీడియోలు కోసం ఎంతోమంది అభిమానులు ఎదురు చూసినప్పటికీ కేవలం కొన్ని ఫోటోలను మాత్రమే ఈ జంట సోషల్ మీడియా వేదికగా అభిమానులతో పంచుకున్నారు.ప్రస్తుత కాలంలో ఎంతో మంది సెలబ్రిటీలు వారికి ఉన్న ఫ్యాన్ ఫాలోయింగ్ దృష్టిలో పెట్టుకొని వీరికి సంబంధించిన ప్రతి కార్యక్రమాన్ని కమర్షియల్ చేస్తూ భారీ ధరలకు అమ్ముతున్నారు.
ఈ క్రమంలోనే నయనతార విగ్నేష్ పెళ్ళిని కూడా ప్రముఖ డిజిటల్ మీడియా సంస్థ నెట్ ఫ్లిక్స్ కి భారీ ధరకు అమ్మినట్టు తెలుస్తోంది. ఈ క్రమంలోనే వీరి పెళ్లికి సంబంధించిన ఫోటోలు, వీడియోలు బయటకు రాకుండా ఈ జంట ఎంతో జాగ్రత్త పడ్డారు. మహాబలిపురంలో ఒక రిసార్ట్ లో జరిగిన వీరి వివాహాన్ని ఒక డాక్యుమెంటేషన్ రూపంలో ప్రముఖ దర్శకుడు గౌతమ్ మీనన్ దర్శక పర్యవేక్షణలో వీరి వివాహాన్ని చిత్రీకరించారు.ఈ క్రమంలోనే ఈ వీడియోని ఒక డాక్యుమెంటేషన్ గా రూపొందించగా నెట్ ఫ్లిక్స్ భారీ ధరకు కొనుగోలు చేసినట్టు తెలుస్తోంది.
నయనతార తన వివాహాన్ని నెట్ ఫ్లిక్స్ కి ఏకంగా 2.5 కోట్లకు అమ్మినట్టు తెలుస్తోంది. త్వరలోనే వీరి వివాహాన్ని నెట్ ఫ్లిక్స్ లో ప్రసారం చేయనున్నారు. అయితే గతంలో బాలీవుడ్ సెలబ్రిటీలు విక్కీ కౌశల్, కత్రినా కైఫ్ సైతం వీరి వివాహాన్ని అమెజాన్ ప్రైమ్ కు భారీ ధరకు అమ్మారు. వీరి బాటలోనే నయనతార విగ్నేష్ దంపతులు కూడా వారి వివాహాన్ని నెట్ ఫ్లిక్స్ కి అమ్మడంతో ఎంతో మంది వీరి వ్యవహారశైలిపై స్పందిస్తూ పెళ్లి వరకు ఎంతో ఘనంగా జరుపుకోవడం బాగున్నప్పటికీ డబ్బు కోసం జీవితంలో ఎంతో మధురమైన జ్ఞాపకాలను కూడా అమ్ముకోవడం చాలా విడ్డూరంగా ఉంది అంటూ విమర్శలు చేస్తున్నారు.