Naresh: టాలీవుడ్ నటుడు ఒకప్పటి హీరో నరేష్ గురించి మనందరికి తెలిసిందే. నటుడిగా, క్యారెక్టర్ ఆర్టిస్ట్ గా చేస్తూ వరుసగా అవకాశాలను అందుకుంటూ దూసుకుపోతున్నారు. ప్రస్తుతం నరేష్ చేతిలో బోలెడు సినిమాలు ఉన్నాయి. అందులో భాగంగానే నరేష్ తాజాగా బ్యూటీ అనే సినిమాతో ప్రేక్షకుల ముందుకు వచ్చారు. ఈ బ్యూటీ సినిమాలో హీరోయిన్ కి తండ్రి పాత్రలో నటించారు నరేష్. కాగా ఈ సినిమా ప్రమోషన్స్ లో భాగంగా ఇచ్చిన ఒక ఇంటర్వ్యూలో ఆసక్తికర వ్యాఖ్యలు చేసారు.
కాగా నరేష్ గత కొంతకాలంగా సీనియర్ నటి పవిత్ర లోకేష్ తో ఉంటున్న సంగతి తెలిసిందే. వీరిద్దరూ పెళ్లి చేసుకున్నట్టు అధికారికంగా ప్రకటించకపోయినా ఇద్దరూ కలిసే ఉంటున్నట్టు, పెళ్లి చేసుకున్నారని అందరికి తెలిసేలా చేసారు. గతంలో వీరిద్దరూ ఎంగేజ్మెంట్ చేసుకున్న విషయం తెలిసిందే. ప్రస్తుతం ఈ జంట కలిసే ఉంటున్నారు. ఆ సంగతి పక్కన పెడితే తాజాగా ఇంటర్వ్యూలో నరేష్ మాట్లాడుతూ.. మా అమ్మ నరి అని పిలిచేది. నరి అంటే తమిళంలో నక్క. దాంతో మా ఫ్రెండ్స్ అంతా ఫాక్స్ అని పిలిచేవాళ్ళు.
ముద్దొస్తే నారి అని పిలిచేది. మరీ ప్రేమ ఎక్కువయి ముద్దుగా పిలిస్తే నారిగా అని పిలిచేది. అలాంటప్పుడు కాకా పట్టొచ్చు అని అర్ధమయ్యేది నాకు. ఇంక నన్ను అలా ఎవ్వరూ పిలవరు. పవిత్ర లోకేష్ నన్ను చాలా గౌరవంగా పిలుస్తుంది. ముద్దుపేరు అయితే రాయ అని పిలుస్తుంది. అది ముద్దు పేరు కాదు కానీ అలా షార్ట్ గా పిలుస్తుంది అని తెలిపారు నరేష్. ఈ సందర్బంగా నరేష్ చేసిన వాఖ్యలు సోషల్ మీడియాలో వైరల్ గా మారాయి.
Naresh: పవిత్ర లోకేష్ నన్ను అలా పిలుస్తుంది.. ఇంట్రెస్టింగ్ కామెంట్స్ చేసిన నరేష్!
