అసిస్టెంట్ డైరెక్టర్ గా కెరీర్ ప్రారంభించిన నాని అష్టా చమ్మా సినిమా ద్వారా హీరోగా ఇండస్ట్రీకి పరిచయం అయ్యాడు. ఆ తర్వాత రాజమౌళి దర్శకత్వంలో వచ్చిన ఈగ సినిమాలో నటించాడు ఈ సినిమా ద్వారా నాని హీరోగా మంచి గుర్తింపు పొందాడు. ఈగ సినిమా తర్వాత నాని నటించిన అన్ని సినిమాలు వరుసగా హిట్ అయ్యాయి. దీంతో నాని నేచురల్ స్టార్ గా ఇండస్ట్రీలో మంచి గుర్తింపు సంపాదించుకున్నాడు. ఇటీవల నాని నటించిన శ్యామ్ సింగ రాయ్ సినిమా మంచి హిట్ అందుకుంది. తాజాగా వివేక్ ఆత్రేయ దర్శకత్వంలో నాని, మలయాళ నటి నజ్రియా నజీమ్ జంటగా నటిస్తోన్న సినిమా ” అంటే సుందరానికీ” . మైత్రీ మూవీ మేకర్స్ వారు ఈ సినిమాని నిర్మిస్తున్నారు.
లవ్ అండ్ కామెడీ ఎంటర్టైనర్గా తెరకెక్కిన ఈ సినిమాలో నాని సుందర్ అనే పాత్రలో నటించగా నజ్రియా నజీమ్ “లీలా” అనే పాత్రలో నటించింది. ఈ సినిమ జూన్ 10 వ తేదీన థియేటర్లలో ప్రేక్షకుల ముందుకి రానుంది. అందువల్ల సినిమా ప్రమోషన్స్ జోరుగా సాగుతున్నాయి. ఈ సినిమా నుండి విడుదలైన ట్రైలర్, టీజర్ ప్రేక్షకులను బాగా ఆకట్టుకుంటున్నాయి. జూన్ 2 వ తేదీన ఈ సినిమాకి సంబదించిన ట్రైలర్ వైజాగ్ వేదికగా ఆవిష్కరించారు. ఈ ఈవెంట్ లో పాల్గొన్న నాని సినిమా గురించి పలు ఆసక్తికర విషయాలను వెల్లడించారు.
ట్రైలర్ లాంచ్ ఈవెంట్ లో నాని మాట్లాడుతూ… “సాధారణంగా పండగకు అల్లుడికు విందు భోజనాలు పెడతారు. కానీ ఈ సినిమా ద్వారా మేము మీ అందరికీ విందు ఇవ్వబోతున్నాం. ఇక్కడ మేమైతే బ్లాక్ బాస్టర్ సినిమా తీశాం. దాన్ని ఎక్కడికి తీసుకెళ్తారో మీ ఇష్టం. ఈ సినిమ ప్రేక్షకులకు తప్పకుండా నచ్చుతుంది. ప్రేక్షకులే సినిమాలు బ్లాక్ బస్టర్ హిట్ చేస్తారు. ఈ సినిమ ద్వారా మేము మీకు వందశాతం ఎంటర్టైన్మెంట్ ఇస్తాం.. ఇట్స్ మై ప్రామీస్” . అంటూ నాని చెప్పుకొచ్చాడు. మరి అంటే సుందరానికి సినిమా ప్రేక్షకులని ఎంతలా ఎంటర్టైన్ చేస్తోంది చూడాలి మరి.