రాజకీయ నాయకులు సెంటిమెంట్ ను బాగా ఫాలో అవుతారు. ఒక్కొక్కరికి ఒక్కొక్క సెంటిమెంట్. రాజకీయాల్లో ఎవరి స్థానం ఎప్పుడు ఎలా మారుతుందో ఎవ్వరం చెప్పలేము. కాబట్టి రాజకీయ నాయకులు సినీ ప్రముఖులు ఖచ్చితంగా సెంటిమెంట్లకు గౌరవం ఇస్తారు. ఇదిలా ఉంటే .. ఇదే సెంటిమెంట్ ప్రకారం తాజాగా దేశంలో అప్రతిహతంగా దూసుకుపోతున్న ప్రధాని మోడీ త్వరలో మాజీ కావడం ఖాయమని.. ఆ సెంటిమెంట్ ఖచ్చితంగా రిపీట్ అవుతుందని సంచలన వ్యాఖ్యలు చేశారు. ఇంతకీ ఈ వ్యాఖ్యలు చేసింది ఎవరు అంటే .. చత్తీస్ ఘడ్ సీఎం భూపేష్ బాఘేల్.
ప్రధాని నరేంద్ర మోదీ త్వరలో మాజీ ప్రధాని అవుతారని ఛత్తీస్‌గఢ్‌ సీఎం భూపేష్ బాఘేల్ జోస్యం చెప్పారు. గుజరాత్‌లోని మెతెరా స్టేడియం పేరును ప్రధాని నరేంద్ర మోదీ పేరుతో మార్పు చేయడంపై ఆయన స్పందించారు. ఇది బీజేపీ సంప్రదాయమని విమర్శించారు. గతంలో అటల్ జీ జీవించి ఉన్నప్పుడు ఛత్తీస్‌గఢ్‌లో అటల్ చౌక్ పేరు పెట్టారని తెలిపారు. అనంతరం ఆయన మాజీ ప్రధాని అయ్యారని గుర్తు చేశారు.
మోదీ కూడా త్వరలో అటల్ జీ లాగే మాజీ ప్రధాని అవుతారనడానికి ఇది ఒక సంకేతమని భూపేష్ బాఘేల్ వ్యాఖ్యానించారు. ఈ క్రమంలోనే ప్రధానిగా ఉండగానే తన పేరును గుజరాత్ లోని మొతేరా స్టేడియానికి పెట్టిన ప్రధాని నరేంద్రమోడీ కూడా త్వరలోనే అటల్ జీ మాదిరిగానే మాజీ ప్రధాని అవుతారనడానికి ఇది ఒక సంకేతం అని చత్తీస్ ఘడ్ సీఎం బాఘేల్ అంచనా వేశారు.