Pawan Kalyan : జనసేన అధినేత పవన్ కళ్యాణ్ మీద విమర్శలు చేయడం ద్వారా అధికార వైసీపీ ఏం సాధిస్తుంది.? అన్నది మిలియన్ డాలర్ల ప్రశ్న. సత్తు పైసా ఉపయోగం లేదు వైసీపీకి, పవన్ కళ్యాణ్ని విమర్శించడం వల్ల. కానీ, రాజకీయాల్లో విమర్శలు తప్పవు. ఆ విమర్శలే లేకపోతే రాజకీయాల్లో చాలామందికి గుర్తింపు వుండదు.
తాజా మాజీ మంత్రులు కొడాలి నాని, పేర్ని నాని, అనిల్ కుమార్ యాదవ్ తదితరులు వారి వారి శాఖలకు చేసిందేంటి.? అనడిగితే, ‘ఆ విషయం నన్ను అడక్కండి’ అని జల వనరుల శాఖ మంత్రిగా పని చేసిన అనిల్ కుమార్ యాదవ్ సరైన సమాధానమే చెప్పేశారు.
అంటే ఆయన తన శాఖకు సంబంధించిన వ్యవహారాల్ని పక్కన పెట్టి, పవన్ కళ్యాణ్ సినిమాల వసూళ్ళ లెక్కల గురించే ఎక్కువ ఆలోచించారనే కదా అర్థం.?
కొడాలి నాని అయినా, పేర్ని నాని అయినా అంతే.! అలాగని రాజకీయ వర్గాల్లో చర్చ జరుగుతోంది. మరి, కొత్త మంత్రులు ఏం చేయబోతున్నారు.? ఈ విషయమై వైసీపీ అనుకూల మీడియాలో ఓ ఆసక్తికరమైన చర్చ జరుగుతోంది. ఇకపై పవన్ కళ్యాణ్ని తిట్టే శాఖను మంత్రి అమర్ నాథ్కి ముఖ్యమంత్రి వైఎస్ జగన్ మోహన్ రెడ్డి ఇచ్చారట. ఎంత హాస్యాస్పదమో కదా ఈ భావన.
గుడివాడ అమర్నాథ్ కూడా మంత్రి అవుతూనే సోషల్ మీడియా వేదికగా పవన్ కళ్యాణ్ మీద సెటైర్లు పెంచారు. పవన్ కళ్యాణ్ని టూరిస్టుగా అభివర్ణించారు. దానికి జనసేన నుంచి కౌంటర్ ఎటాక్ గట్టిగానే వస్తోంది.
ఐటీ శాఖ మంత్రిగా బాధ్యతలు తీసుకున్న అమర్నాథ్, రాష్ట్రంలో ఐటీ పరిశ్రమ తీరు తెన్నులపై ట్వీటు వేసి వుంటే జనానికి ఉపయోగపడేది.! ఆ మాత్రం ఇంగితం మంత్రులకు వుంటే, రాష్ట్రమెందుకిలా వుంటుందన్నది జన బాహుళ్యంలో జరుగుతోన్న చర్చ.