Manchu Manoj: టాలీవుడ్ హీరో మంచు మనోజ్ నటించిన లేటెస్ట్ మూవీ మిరాయ్. తాజాగా విడుదల అయిన ఈ సినిమా బ్లాక్ బస్టర్ హిట్ గా నిలిచింది. విడుదల అయినా మొదటి రోజే ఏకంగా 27 కోట్లు కొల్లగొట్టి కలెక్షన్లతో దూసుకుపోతోంది. నాలుగు దాదాపుగా 91 కోట్లకు పైగా వసూళ్ళను సాధించింది. ఈ సినిమా విడుదల అయ్యి సూపర్ సక్సెస్ అవడంతో మూవీ మేకర్స్ తాజాగా ఈ సినిమా భాగంగా సక్సెస్ మీట్ ని నిర్వహించారు.
ఈ ఈవెంట్ ని మంగళవారం విజయవాడలో నిర్వహించారు. ఎంతో ఘానంగా జరిగిన ఈ ఈవెంట్ కి మిరాయ్ టీమ్ తో పాటుగా ఇండస్ట్రీలో ప్రముఖులు సైతం హాజరయ్యారు. ఈ సందర్భంగా మిరాయ్ లో బ్లాక్ స్వార్డ్ గా కనిపించిన మంచు మనోజ్ ఆసక్తికర కామెంట్స్ చేశాడు. ఇండస్ట్రీలో సక్సెస్ అవ్వాలంటే చిరంజీవి కొడుకో, మోహన్ బాబు కొడుకో అవ్వాల్సిన అవసరం లేదు అంటూ ఎమోషనల్ కామెంట్స్ చేశాడు. ఈ సందర్బంగా మంచు మనోజ్ మాట్లాడుతూ.. మిరాయ్ సక్సెస్ అయినందుకు చాలా ఆనందంగా ఉంది.
ఈ విజయానికి ప్రధాన కారణం ప్రేక్షక దేవుళ్ళు. సినిమాలో కంటెంట్ ఉంటే ఆదరిస్తారని మీరు మరోసారి ప్రూవ్ చేశారు. అలాగే, ఈ ఇండస్ట్రీలో ఎదగాలంటే బ్యాక్గ్రౌండ్ ఉండాల్సిన అవసరం లేదని మౌళి ప్రూవ్ చేశారు. లిటిల్ హార్ట్స్ సినిమాలో మౌళి. ఇక్కడ ఎదగాలంటే చిరంజీవి కొడుకో, మోహన్ బాబు కొడుకో అవ్వాల్సిన అవసరం లేదు. యూట్యూబర్ గా మొదలై ఈరోజు ఇంత పెద్ద విజయం సాదించాడంటే మౌళి పట్ల నాకు చాలా గర్వాంగా ఉంది. రేపు నీకు ఎలాంటి సపోర్ట్ కావాలన్నా నన్ను అడుగు. నీకు అండగా నేను ఉంటా. నీ సినిమాలో ఏదైనా క్యారక్టర్ ఇచ్చినా సరే నేను చేస్తాను అని చెప్పుకొచ్చాడు మనోజ్. ప్రస్తుతం ఆయన చేసిన ఈ కామెంట్స్ సోషల్ మీడియాలో వైరల్ గా మారాయి.
Manchu Manoj: సక్సెస్ అవ్వాలంటే చిరంజీవి కొడుకో, మోహన్ బాబు కొడుకో అవ్వాల్సిన అవసరం లేదు: మంచు మనోజ్
