Mahesh Review On RRR : అమీర్ ఖాన్ లాంటోళ్ళే భారతీయ నటులని అనుకోవాలా.? తెలుగు సినీ నటులెందుకు భారతీయ నటులు కాకూడదు.? చాన్నాళ్ళ క్రితం పవర్ స్టార్ పవన్ కళ్యాణ్ ఓ సందర్భంలో చేసిన వ్యాఖ్యలివి. నిజమే కదా.! తెలుగు సినిమా ఏంటి.? తమిళ సినిమా ఏంటి.? అంతా కలిసి భారతీయ సినిమా కదా.?
ఔనుగానీ, తెలుగు హీరోల మధ్య సఖ్యత తక్కువ.. అది ఇతర హీరోల సినిమాల్ని ప్రమోట్ చేయడంలో. కానీ, అది ఒకప్పుడు. ఇప్పుడు సీన్ మారింది. అయినాగానీ, ఇంకా ఎక్కడో ‘నేను గొప్ప.. అంటే నేను గొప్ప..’ అనే ఆధిపత్య పోరు అలాగే వుండిపోయింది. సౌత్ సినీ పరిశ్రమలో ఎక్కువగా కనిపిస్తుంటుందిది. ఆ కారణంగానే ఓ హీరోతో ఇంకో హీరో పని చేయడం జరగడంలేదు.
బాలీవుడ్లో అలా కాదు.. తెరవెనుకాల ఎంతలా ఘర్షణ పడినా, కలిసి మల్టీ స్టారర్ సినిమాలు చేసేస్తారు. అందుకే, అక్కడ పెద్ద పెద్ద సినిమాలొస్తాయ్. ఇప్పుడైతే సౌత్ నుంచీ పెద్ద సినిమాలొస్తున్నాయ్.. మొన్న ‘బాహుబలి’ నిన్న ‘పుష్ప, ఇప్పుడేమో ‘ఆర్ఆర్ఆర్’.. ఇండియన్ సినిమాలుగా సత్తా చాటాయ్, చాటుతున్నాయ్. ‘కేజీఎఫ్’ గురించీ ఇక్కడ ప్రస్తావించాలి.
ఇప్పుడిదంతా ఎందుకంటే, మహేష్బాబు ‘ఆర్ఆర్ఆర్’ సినిమాకి చిన్నపాటి ట్వీట్ రివ్యూ ఇచ్చేశాడు. అది కాస్తా వైరల్ అయ్యింది. మహేష్ ఇప్పటికే వెంకటేష్తో కలిసి మల్టీస్టారర్ చేసేశాడు. ప్రభాస్తో ఎందుకు చెయ్యకూడదు.? చరణ్ – మహేష్ కలిసి నటిస్తే.! మహేష్ – ఎన్టీయార్ కలిసి నటిస్తే.? బాలకృష్ణ – చిరంజీవి కలిసి సినిమాలు చేస్తే.!
వావ్, ఇవన్నీ ముందు ముందు జరిగితే ఎంత బావుంటుంది.?