Lord Maha Shiva : ఈ ఏడాది టాలీవుడ్ బాక్సాఫీస్ దగ్గర విడుదల అయ్యిన మొట్టమొదటి బిగ్గెస్ట్ రిలీజ్ ఏదన్నా ఉంది అంటే అది “భీమ్లా నాయక్” అనే చెప్పాలి. గాడ్ ఆఫ్ మాసెస్ పవన్ కళ్యాణ్ మరియు టాలీవుడ్ హల్క్ రానా దగ్గుబాటి లతో యంగ్ దర్శకుడు సాగర్ కే చంద్ర తెరకెక్కించిన ఈ ఇంట్రెస్టింగ్ చిత్రం రికార్డు ఓపెనింగ్స్ అందుకొని మొదటి వారాంతానికి సాలిడ్ హోల్డ్ కనబరిచింది.
కానీ అనూహ్యంగా సోమవారం మొదటి వర్కింగ్ డే కి మాత్రం భీమ్లా నాయక్ బాగా డల్ అయ్యిపోయాడు. కానీ మరో వర్కింగ్ డే మంగళవారంకి మాత్రం భీమ్లా నాయక్ అదరగొట్టినట్టు ఇండస్ట్రీ వర్గాలు చెబుతున్నాయి. దీనికి కారణం మహా శివరాత్రే అట. ఈ సినిమాకి జరిగిన బిజినెస్ కి గాను మొదటి మూడు రోజులు మంచి వసూళ్లే వచ్చాయి.
కానీ సోమవారంతో కంపేర్ చేస్తే లెక్క కరెక్ట్ గా లేదు.. కానీ మంగళవారం మాత్రం శివ రాత్రి హాలిడే కావడంతో ముఖ్యంగా తెలుగు రాష్ట్రాల్లో భీమ్లా నాయక్ కి చాలా ప్లస్ అయ్యిపోయిందట. భారీ స్థాయిలో అనేక చోట్ల అన్ని షోలు హౌస్ ఫుల్స్ పడ్డాయని తెలుస్తుంది.
దీనితో కొన్ని ప్రాంతాల్లో కష్టమే అనుకున్న ఈ సినిమా ఆల్ మోస్ట్ గట్టెక్కేసినట్టే అని ట్రేడ్ పండితులు చెబుతున్నారు. దీనితో ఈ రకంగా పవన్ సినిమాని ఆ పరమ మహా శివుడు సేవ్ చేసాడని చెప్పాలి. ఇక ఈ సినిమాలో నిత్య మీనన్ మరియు సంయుక్త మీనన్ లు కీలక పాత్రల్లో హీరోయిన్స్ గా నటించగా థమన్ సంగీతం అందించాడు. అలాగే త్రివిక్రమ్ మాటలు, స్క్రీన్ ప్లే అందించారు.