Liquor and Pan Ambassadors : పొగాకు, లిక్కర్ సంబంధిత ప్రకటనల్లో సెలబ్రిటీలు నటించడం మామూలే. ఆయా సెలబ్రిటీల సినిమాల ప్రసారానికి ముందు ధియేటర్లలో పొగాకు, మద్యపానం ఆరోగ్యానికి హానికరం అనే యాడ్స్ వేస్తుంటారు. ఆరోగ్యానికి హానికరమైన యాడ్స్లో ఈ సెలబ్రిటీలే ఎందుకు నటిస్తారు.? తమ ఇమేజ్ని అడ్డం పెట్టుకుని, వాటికి భారీ ప్రమోషన్ ఎందుకు ఇస్తున్నారు.?
ఇంతవరకూ ఈ తరహా డిస్కషన్స్ జరగనే లేదు. కానీ, ట్రెండ్ మారింది. సోషల్ మీడియా వచ్చాకా తగ్గేదె లే.. దేన్నీ వదిలిపెట్టడం లేదు. ఆ నేపథ్యంలోనే బాలీవుడ్ బిగ్ బీ అమితాబ్ బచ్చన్ ఈ మధ్య సారీ చెప్పాల్సి వచ్చింది. పొగాకు సంబంధిత యాడ్స్లో ఇకపై నటించనని చెప్పడం జరిగింది. అంతేకాదు, రీసెంట్గా ఆయన నటించిన ఓ పొగాకు యాడ్కి సంబంధించి తీసుకున్న డబ్బులు సైతం వాపస్ ఇవ్వడం కూడా జరిగింది.
ఆయనే కాదు, బాలీవుడ్లో అజయ్ దేవగణ్, షారూఖ్ ఖాన్ అక్షయ్ కుమార్ తదితర స్టార్లు ఈ తరహా యాడ్స్లో నటించారు. నటిస్తున్నారు. మరి వాళ్ల సంగతేంటీ.? తాజాగా అక్షయ్ కుమార్ కూడా తన ఫ్యాన్స్కి సారీ చెప్పాడు. సొసైటీ కోసం మంచి పనులు చేయడంలో తనవంతు సాయం చేసే దిశగా ఎప్పుడూ ముందుంటాడు అక్షయ్ కుమార్.
అలాంటిది ఈ తరహా యాడ్స్లో చేసి, ఆ సొసైటీకి ఏం మెసేజ్ ఇస్తున్నట్లు అన్న ప్రశ్న రైజ్ అయ్యింది కాబోలు.. ఆయన వెనక్కి తగ్గి, ఇకపై పొగాకు, లిక్కర్ సంబంధిత యాడ్స్లో నటించనని చెప్పేశారు. ఇక, షారూఖ్ ఖాన్, అజయ్ దేవగణ్ మిగిలి వున్నారు. అంతా బాగానే వుంది. కానీ, సెలబ్రిటీలు కాబట్టి వీళ్లు ఆయా ప్రకటనల్లో నటించకూడదని అంటున్నారు. మరి, సొసైటీ పట్ల ఎంతో బాధ్యతగా వ్యవహరించాల్సిన మీడియా సంగతేంటీ.
పొగాకు, లిక్కర్ సంబంధిత యాడ్స్ని తమ తమ ఛానళ్లలో ప్రసారం చేయకూడదుగా. ఆ ప్రకటనల్లో నటించినందుకు బాలీవుడ్ స్టార్లు ఒక్కొక్కరుగా వచ్చి క్షమాపణలు చెబుతుండడంతో, టాలీవుడ్ సూపర్ స్టార్ మహేష్ బాబుపై ఒత్తిడి పెరిగింది. అంతటి స్టార్ హీరో అయ్యుండీ మహేష్ బాబుకి ఎందుకింత కక్కుర్తి.? అంటూ ఆయనను దుమ్మెత్తిపోస్తున్నారట. మరి, మహేష్ ఏం చేస్తాడో చూడాలిక.