Salaar Crazy Mass Teaser : యంగ్ రెబల్ స్టార్ ప్రభాస్ హీరోగా చేస్తున్న లేటెస్ట్ భారీ సినిమాల్లో కన్నడ దర్శకుడు ప్రశాంత్ నీల్ తెరకెక్కిస్తున్న భారీ చిత్రం “సలార్” కూడా ఉంది. అలాగే మరో దర్శకుడు ఓంరౌత్ తో చేసిన భారీ సినిమా “ఆదిపురుష్” అయితే ఆల్రెడీ షూటింగ్ కూడా కంప్లీట్ అయ్యిపోయింది.
కానీ ఆ సినిమా నుంచి ఎలాంటి అప్డేట్ లేకపోయినా కేవలం 30 శాతం మేర కంప్లీట్ అయ్యిన ఈ సినిమా నుంచి మాత్రం టీజర్ కట్ ని రిలీజ్ చేస్తున్నట్టు గత కొన్ని రోజులు కితమే వార్త కన్ఫర్మ్ అయ్యింది. ఇక ఇదిలా ఉండగా ఇప్పుడు ఈ సెన్సేషనల్ మాస్ సినిమాపై టాలీవుడ్ నుంచి ఇంకో ఆసక్తికర బజ్ వినిపిస్తుంది.
ఈ టీజర్ ని మే చివరలో రిలీజ్ చేస్తారని తెలిసిందే. అయితే దీనిపై అప్డేట్ ని వచ్చే వారం లోనే స్వయంగా సినిమా దర్శకుడు ప్రశాంత్ నీల్ మరియు చిత్ర నిర్మాణ సంస్థ హోంబలే సినిమాస్ వాళ్ళు అనౌన్స్ చేయనున్నారట. దీనితో ప్రభాస్ అభిమానుల్లో మరియు పాన్ ఇండియా లెవెల్లో ఓ రేంజ్ అంచనాలు నెలకొన్నాయి.
ఆ డేట్ వచ్చేస్తే ఇక అంతా ముగిసినట్టే అని చెప్పాల్సిందే. ఇంకా ఈ సినిమాలో శృతి హాసన్ హీరోయిన్ గా నటిస్తుండగా జగపతిబాబు కేఈల్క పాత్ర చేస్తున్నాడు. అలాగే ఇంకో పక్క ఈ సినిమాకి మరియు కేజీయఫ్ కి కూడా లింక్ ఉందని కూడా అంటున్నారు.