Unstoppable with NBK S4: ప్రముఖ ఓటీటీ ఫ్లాట్ ఫామ్ ఆహా వేదికగా నందమూరి నరసింహ బాలయ్య బాబు హోస్ట్ గా వ్యవహరిస్తున్న అన్‌స్టాప‌బుల్ షో ప్రసారం అవుతూ దూసుకుపోతున్న విషయం తెలిసిందే. ఇప్పటికే గతంలో మూడు సీజన్లను విజయవంతంగా పూర్తి చేసుకున్న ఈ షో ప్రస్తుతం నాలుగవ సీజన్ నడుస్తున్న విషయం తెలిసిందే. ఈ షో కి అనుకున్న దాని కంటే ఎక్కువగానే స్పందన లభిస్తోంది. ఇప్పటికి చాలామంది సెలబ్రిటీలు ఈ షోకి వచ్చిన విషయం తెలిసిందే.
ఇకపోతే ప్రస్తుతం నాలుగో సీజన్ నడుస్తుండగా ఇందులో ఇప్పటికే ఐదు ఎపిసోడ్‌లు ప్రసారం అయ్యాయి. తొలి ఎపిసోడ్‌కు ఏపీ సీఎం నారా చంద్ర‌బాబు నాయుడు, రెండో ఎపిసోడ్ కు మలయాళ స్టార్ హీరో దుల్క‌ర్ స‌ల్మాన్‌, మూడో ఎపిసోడ్ కు హీరో సూర్య, నాలుగో ఎపిసోడ్ కు ఐకాన్ స్టార్ అల్లు అర్జున్ అతిథులుగా హాజరయ్యారు. అల్లు అర్జున్ వచ్చిన ఎపిసోడ్‌ను రెండు భాగాలుగా విడుద‌ల చేయ‌గా అద‌రిపోయే రెస్పాన్స్ వ‌చ్చింది. రికార్డు స్థాయిలో వ్యూస్ వ‌చ్చాయి. ఇక త‌రువాతి ఎపిసోడ్ కు గెస్ట్ గా ఎవ‌రు రానున్నాను అని ప్రేక్ష‌కులు ఎంతో ఆస‌క్తిగా ఎదురుచూస్తున్నారు.
డ్యాన్సింగ్ క్వీన్, టాలీవుడ్ యంగ్ హీరోయిన్ ముద్దుగుమ్మ శ్రీలీల ఈ షోలో సంద‌డి చేయ‌నుందట. ఈ ఎపిసోడ్ షూటింగ్ కోసం ఇప్పటికే శ్రీలీల హైద‌రాబాద్‌ లోని అన్న‌పూర్ణ స్టూడియోస్‌ కు చేరుకుంది. ఇందుకు సంబంధించిన ఫోటోలు, వీడియోలు సోష‌ల్ మీడియాలో వైర‌ల్‌గా మారాయి. స్లీవ్‌లెస్ టాప్‌, ఎరుపు, న‌లుపు క‌లిసిన చీర‌తో క్యార‌వాన్ ముందు నిలుచుకున్న శ్రీలీ స్టిల్స్ ఆక‌ట్టుకుంఉన్నాయి. ఇక ఈ ఎపిసోడ్ ఎప్పుడు ప్రసారం అవుతుందా ఫ్యాన్స్ ఎదురుచూస్తున్నారు. అయితే ఇప్పటికే బాలయ్య బాబు షో కి శ్రీలీల స్త్రీల ఒకసారి వచ్చిన విషయం తెలిసిందే. ఈ షోకి శ్రీలీల రావ‌డం ఇది రెండోసారి.
గతంలో భ‌గ‌వంత్ కేస‌రి మూవీ ప్ర‌మోష‌న్స్‌ లో భాగంగా కాజ‌ల్ అగ‌ర్వాల్‌ తో క‌లిసి వ‌చ్చింది. ప్రస్తుతం పుష్ప 2 సినిమాలో ఒక స్పెష‌ల్ సాంగ్ చేసింది. కిస్సిక్ పేరుతో వచ్చిన ఈ పాట యూట్యూబ్‌ లో ట్రెండింగ్‌ లో ఉంది. ఈ షోకి హీరో న‌వీన్ పొలిశెట్టి సైతం వ‌చ్చాడు. కొన్నాళ్ల క్రితం ఈ యువ హీరోకి యాక్సిడెంట్ అయిన సంగ‌తి తెలిసిందే. ప్రస్తుతం అత‌డు కోలుకుంటున్నాడు. బాలయ్య షోతో అత‌డు రీ ఎంట్రీ ఇచ్చే అవ‌కాశాలు ఉన్నాయ‌ని అంటున్నారు. ఆయ‌న షోకి వ‌స్తున్న వీడియో ప్రస్తుతం నెట్టింట వైర‌ల్‌గా మారింది.