జనసేన అధినేత పవన్ కళ్యాణ్ ను కన్నడ ప్రముఖ హీరో కిచ్చ సుదీప్ కలిశారు. హైదరాబాద్ లోని జనసేన కార్యాలయంలో పవన్ ను సుదీప్ మీట్ అయ్యారు.
అయితే.. పవన్ కళ్యాణ్ ను కిచ్చ సుదీప్ మీట్ అవడంపై భిన్నాభిప్రాయాలు వ్యక్తం అవుతున్నాయి. అసలు.. పవన్ కు, కిచ్చ సుదీప్ కు మధ్య ఉన్న సంబంధం ఏంటి? వాళ్లిద్దరు ఎందుకు కలిశారు. వాళ్లిద్దరు కలిసి ఏ సినిమాలోనూ నటించలేదు. వాళ్లిద్దరి మధ్య అంతగా స్నేహం కూడా లేదు.
ఈ సమయంలో కిచ్చ సుదీప్.. పవన్ ను కలవడం వెనుక కారణం ఏంటి.. అంటూ భూతద్దం పెట్టి వెతికే పనిలో పడ్డారు నెటిజన్లు.
నిజానికి వాళ్లిద్దరు కలిసి వర్తమాన అంశాలు, అన్ లాక్ ప్రక్రియ గురించి, నూతన షూటింగ్ నిబంధనల గురించి చర్చించారు.. అని జనసేన పార్టీ తన ట్విట్టర్ ఖాతాలో వెల్లడించింది. కానీ.. సుమారు గంట సేపు వాళ్లిద్దరు కలిసి ఏం చర్చించారు.. అనేదానిపై మాత్రం క్లారిటీ రావడం లేదు.
నెటిజన్లు తమకు ఇష్టమొచ్చినట్టు కామెంట్లు చేస్తున్నారు. సుదీప్ కూడా రాజకీయాల్లోకి రావాలనుకుంటున్నాడని.. అందుకే అటు సినిమాల్లోనూ.. ఇటు రాజకీయాల్లోనూ రాణిస్తున్న పవన్ నుంచి ఏవైనా సలహాలు తీసుకోవడానికే సుదీప్.. పవన్ ను కలిశాడంటూ ఏదేదో అల్లేస్తున్నారు.
మరికొందరైతే.. క్రిష్ డైరెక్షన్ లో వచ్చే పవన్ మూవీని కన్నడలో సుదీప్ తో రీమేక్ చేస్తున్నారు.. అంటూ కామెంట్లు చేస్తున్నారు.
అసలు.. ఏది నిజమో.. ఏది అబద్ధమో తెలియాలంటే మాత్రం.. కొన్ని రోజులు ఆగాల్సిందే.
కిచ్చ సుదీప్ సినిమాల విషయానికి వస్తే.. గత సంవత్సరం సల్మాన్ మూవీ దబాంగ్ 3లో విలన్ రోల్ పోషించిన సుదీప్.. పవన్ వకీల్ సాబ్ లోనూ నటిస్తున్నట్టు తెలుస్తోంది. మరోవైపు క్రిష్ సినిమాకు కూడా గ్రీన్ సిగ్నల్ ఇచ్చినట్టు తెలుస్తోంది.
Met a simple grounded human @PawanKalyan i must admit. Wonderful interacting with you sir. pic.twitter.com/Da50XnKaUC
— Kichcha Sudeepa (@KicchaSudeep) October 5, 2020
జనసేనాని శ్రీ @PawanKalyan గారితో ప్రముఖ నటుడు @KicchaSudeep భేటీ.
ఈరోజు హైదరాబాద్ లోని, శ్రీ పవన్ కళ్యాణ్ గారి కార్యాలయానికి విచ్చేసిన సుదీప్ గారు, వర్తమాన అంశాలు, అన్ లాక్ ప్రక్రియ నేపథ్యంలో నూతన షూటింగ్ నిబంధనల గురించి చర్చించి, జనసేనానికి మొక్కలను బహూకరించారు. pic.twitter.com/zEEqOWLhj8— JanaSena Party (@JanaSenaParty) October 5, 2020