Sai Pallavi: సాయి పల్లవి పరిచయం అవసరం లేని పేరు. నటిగా ఇండస్ట్రీలో ఎంతో మంచి గుర్తింపు సంపాదించుకున్న ఈమె ఎంతో విభిన్నమైనటువంటి వ్యక్తిత్వం కలది. ఎంత రెమ్యునరేషన్ ఇచ్చిన ఎలాంటి స్టార్ హీరో అయినా ఆమెకు కథ నచ్చితేనే సినిమాలు చేస్తారు లేదంటే పక్కన ఎలాంటి స్టార్ హీరో అయినా నిర్మొహమాటంగా రిజెక్ట్ చేస్తారు. మెగాస్టార్ చిరంజీవి లాంటి హీరోని ఈమె రిజెక్ట్ చేశారు అంటే ఆమె సినిమాల పరంగా ఎలా ఉంటారో స్పష్టంగా అర్థం అవుతుంది.
ఇక సాయి పల్లవి వస్త్రధారణలో కూడా ఎప్పుడు వార్తల్లో నిలుస్తుంటారు ఈమె ఎప్పుడు పొట్టి దుస్తుతులు ధరించకుండా సాంప్రదాయ దుస్తులలోనే కనిపిస్తూ ఉంటారు. ఇక సినిమాలలో కూడా ఎక్కడ గ్లామర్ షో అనేది ఉండదు. చాలా పద్ధతిగా ఈమె వస్త్రధారణ ఉంటుంది. అయితే అందరిలాగే సాయి పల్లవి ఎందుకు పొట్టి దుస్తులు వేసుకోదనే సందేహాలు చాలామందికి కలిగి ఉంటాయి. ఇలా సాయి పల్లవి పొట్టి దుస్తులు వేసుకోకపోవడానికి కూడా కారణం ఉందని తెలుస్తుంది.
గతంలో తాను టాంగో డ్యాన్స్ చేస్తున్న వీడియో వైరల్ అయ్యిందని.అందులో తాను పొట్టి దుస్తులు వేసుకుని డ్యాన్స్ చేయడంపై విమర్శలు వచ్చాయని తెలిపింది. అలా ఆ విమర్శలు చూసి నాకే ఎలాగో అనిపించింది అందుకే అప్పటి నుంచి పొట్టి దుస్తులు వేసుకోకూడదని నిర్ణయం తీసుకున్నట్టు సాయి పల్లవి తెలిపారు. ఇక సాయి పల్లవి ఎంతో సాంప్రదాయమైన దుస్తులను వేసుకోవడం వల్ల ఆమె సినిమాలు సక్సెస్ కి కారణమని కూడా చెప్పాలి.
ప్రతి ఒక్క సినిమాలో ఈమె ఎంతో నీటిగా దుస్తులు ధరిస్తూ ఉంటారు. ఇండస్ట్రీలో ఎక్స్పోజింగ్ చేస్తేనే అవకాశాలు వస్తాయనే మాటలు నిజం కాదని సాయి పల్లవి నిరూపించారు. ప్రస్తుతం వరుస సినిమాలలో నటిస్తూ కెరియర్ పరంగా ఎంతో బిజీగా ఉన్న సాయి పల్లవి ఇటీవల నాగచైతన్య హీరోగా నటించిన తండెల్ సినిమా ద్వారా ప్రేక్షకుల ముందుకు వచ్చి మంచి సక్సెస్ అందుకున్నారు.