సినిమా ఇండస్ట్రీలో మాస్ మహారాజ్ రవితేజకు ఎన్నో ప్రత్యేకతలు ఉన్నాయనే సంగతి తెలిసిందే. రవితేజ హీరోగా అటు మాస్ ప్రేక్షకులతో పాటు ఇటు క్లాస్ ప్రేక్షకుల హృదయాలను సైతం గెలుచుకున్నారు. చిన్నచిన్న పాత్రలతో కెరీర్ ను మొదలుపెట్టిన రవితేజ ప్రస్తుతం ఒక్కో సినిమాకు 20 కోట్ల రూపాయల రేంజ్ లో రెమ్యునరేషన్ ను తీసుకునే స్థాయికి ఎదగడం గమనార్హం. అయితే రవితేజ వదులుకున్న కొన్ని సినిమాలు బాక్సాఫీస్ వద్ద బ్లాక్ బస్టర్ హిట్లుగా నిలిచాయి.
రవితేజ ఈ సినిమాలలో నటించి ఉంటే మాత్రం ఆయన రేంజ్ కచ్చితంగా మరింత పెరిగి ఉండేదని ఇండస్ట్రీ వర్గాల్లో వినిపిస్తోంది. శ్రీనువైట్ల డైరెక్షన్ లో తెరకెక్కి బ్లాక్ బస్టర్ హిట్ గా నిలిచిన సినిమాలలో ఆనందం సినిమా ఒకటనే సంగతి తెలిసిందే. ఈ సినిమాలో హీరోగా మొదట రవితేజ పేరును మేకర్స్ పరిశీలించారు. అయితే వేరే సినిమాలతో బిజీగా ఉండటంతో మాస్ మహారాజ్ ఈ సినిమాను వదులుకున్నారని బోగట్టా.
సుకుమార్ డైరెక్షన్ లో తెరకెక్కిన ఆర్య సినిమాలో నటించే అవకాశం మొదట రవితేజకు దక్కగా రవితేజ కొన్ని కారణాల వల్ల ఈ సినిమాను వదులుకున్నారని సమాచారం. పోకిరి సినిమాలో నటించే ఛాన్స్ వచ్చినా కొన్ని కారణాల వల్ల రవితేజ ఈ సినిమాను కూడా వదులుకున్నారని సమాచారం అందుతోంది. గోదావరి సినిమాలో నటించే అవకాశం రవితేజకు రాగా ఈ సినిమాను కూడా రవితేజ వదులుకున్నారు.
కందిరీగ టైటిల్ తో కృష్ణవంశీ డైరెక్షన్ లో రవితేజ హీరోగా ఒక సినిమా తెరకెక్కాల్సి ఉండగా ఈ సినిమా కొన్ని కారణాల వల్ల ఆగిపోయింది. గబ్బర్ సింగ్ సినిమాలో నటించే ఛాన్స్ ను కొన్ని కారణాల వల్ల రవితేజ కోల్పోయారు. జై లవకుశ సినిమాలో నటించే ఛాన్స్ మొదటల రవితేజకు వచ్చిందని అయితే కొన్ని కారణాల వల్ల రవితేజ ఈ సినిమాలో నటించలేకపోయారని ఇండస్ట్రీలో వార్తలు ప్రచారంలో ఉన్నాయి.