Allu Arjun : ఇప్పుడు పాన్ ఇండియన్ వైడ్ వైరల్ అవుతున్న టాలీవుడ్ స్టార్ హీరోల్లో ఐకాన్ స్టార్ అల్లు అర్జున్ అర్జున్ పేరు కూడా ఒకటి. తన హ్యాట్రిక్ దర్శకుడు సుకుమార్ తో చేసిన భారీ పాన్ ఇండియన్ సినిమా “పుష్ప పార్ట్ 1” టోటల్ ఇండియన్ సినిమా దగ్గర బన్నీ దంచి కొట్టేసాడు. దీనితో అల్లు అర్జున్ కి మరింత స్థాయి భారీ ఆఫర్స్ వస్తున్నాయి.
ముఖ్యంగా పలు బడా సినిమాల నిర్మాణ సంస్థలే ఇప్పుడు అల్లు అర్జున్ ని సంప్రదిస్తున్నట్టు ఊహాగానాలు వినిపిస్తున్నాయి. మరి ఇదిలా ఉండగా ఇప్పుడు ఇంకో క్రేజీ టాక్ అల్లు అర్జున్ లైనప్ పై వినిపిస్తుంది. కోలీవుడ్ కి చెందిన బిగ్గెస్ట్ ప్రొడక్షన్ బ్యానర్స్ లో ఒకటైన లైకా ప్రొడక్షన్స్ వారు అల్లు అర్జున్ తో ఇప్పుడు టచ్ లో ఉన్నారట.
పుష్ప ని వారే తమిళ్ లో రిలీజ్ చేసి మంచి లాభాలు కూడా అందుకున్నారు. ఇక ఓవరాల్ గా బన్నీ అందుకున్న సక్సెస్ చూసి ఇంకో భారీ సినిమా బన్నీ తో తమ బ్యానర్ లో చేయించుకోవాలని అనుకుంటున్నారట. అందుకే ఆల్రెడీ ఓ సినిమాకి పరిశీలన చేస్తునట్టు కోలీవుడ్ మరియు టాలీవుడ్ వర్గాల్లో ఇన్సైడ్ టాక్.
అలాగే ఈ సినిమాని కూడా కోలీవుడ్ కి చెందిన ఒక స్టార్ దర్శకుడే చేస్తాడని ఇంకో గాసిప్ కూడా వినిపిస్తుంది. అయితే లైకా బ్యానర్ లో 2.0, భారతీయుడు 2 సహా మరిన్ని భారీ సినిమాలు తెరకెక్కాయి. మరి అల్లు అర్జున్ తో కూడా అలాంటి భారీ బడ్జెట్ సినిమానే చేస్తారా లేదా అనేది చూడాలి.