యంగ్ రెబల్ స్టార్ ప్రభాస్ హీరోగా ప్రస్తుతం పలు భారీ సినిమాలు చేస్తున్నాడు. పాన్ ఇండియా స్థాయి నుంచి వరల్డ్ లెవెల్లో సినిమాలతో దూసుకెళ్ళిపోతున్న ప్రభాస్ ప్రస్తుతం రెండు సినిమాలు సెట్స్ మీద ఉండగా ఓ సినిమా షూటింగ్ పూర్తి చేసుకుంది. అయితే ఆ సినిమానే “ఆదిపురుష్”.
రామాయణం ఆధారంగా దర్శకుడు ఓంరౌత్ హిందీ మరియు తెలుగులో ఒకేసారి తెరకెక్కించిన ఈ ప్రాజెక్ట్ పై భారీ స్థాయి అంచనాలు ఉన్నాయి. ప్రభాస్ రామునిగా ఎలా కనిపిస్తాడు అనేదే అందరిలో చాలా ఆసక్తి నెలకొల్పగా ఈ సినిమా అప్డేట్స్ కోసం అభిమానులు అంతకు మించి ఆసక్తితో ఎదురు చూస్తున్నారు.
అయితే ఈ సినిమాపై మాత్రం కొన్నాళ్ల వరకు అప్డేట్స్ గాని ప్రమోషన్స్ గాని ఉండవని కన్ఫర్మ్ అయ్యింది. ఇక ఫైనల్ గా అయితే ఈ సినిమా నుంచి అప్డేట్ అక్టోబర్ లో రానున్నట్టు తెలుస్తుంది. అక్టోబర్ లో దసరా లేదా విజయదశమి కానుకగా చిత్ర బృందం ఈ మహా అప్డేట్ ని అందిస్తున్నట్టుగా ఇండస్ట్రీ నుంచి లేటెస్ట్ సమాచారం.
సో ఆదిపురుష్ అప్డేట్ కోసం అయితే అప్పటివరకు ఆగాల్సిందే. అలాగే ఇంకో టాక్ ఏమిటంటే ఒక స్పెషల్ వీడియోని వారు అయితే రిలీజ్ చేసే అవకాశం ఉందట. మరి అదేంటో అనేది ఇంకా తెలియాల్సి ఉంది.