Salaar : పాన్ ఇండియన్ సూపర్ స్టార్ ప్రభాస్ హీరోగా నటిస్తున్న తాజా చిత్రాల్లో ఆల్రెడీ షూటింగ్ అయ్యిపోయినవి రెండు ఉండగా షూటింగ్ దశలో రెండు ఇంకా షూటింగ్ స్టార్ట్ కావాల్సిన భారీ సినిమా ఒకటి ఉంది. మరి షూటింగ్ లో ఉన్న భారీ బడ్జెట్ సినిమాల్లో కేజీఎఫ్ ఫేమ్ దర్శకుడు ప్రశాంత్ నీల్ తెరకెక్కిస్తున్న మాస్ అండ్ మాసివ్ మల్టీ స్టారర్ చిత్రం “సలార్”.
ప్రభాస్ కెరీర్ లోనే కాకుండా ఇండియన్ సినిమా దగ్గరే భారీ యాక్షన్ డ్రామాగా ఈ సినిమాని తెరకెక్కిస్తున్నారు. ఇక ఇదిలా ఉండగా ఈ సినిమా షూటింగ్ ఇప్పుడు చాలా బ్రేక్ లో ఉండగా ఈ బ్యాలన్స్ షూట్ పై ఒక బిగ్ అప్డేట్ సినిమా వర్గాల్లో వినిపిస్తుంది. ఈ సరి కొత్త షెడ్యూల్ ని ఈ జనవరి నెలలోనే స్టార్ట్ చేస్తారట అలాగే ఈ షెడ్యూల్ కూడా చాలా పెద్ద గానే ప్లాన్ చేసినట్టు తెలుస్తుంది.
అలాగే బహుశా ఈ సినిమా మొత్తం షూటింగ్ అంతా కూడా ఈ షెడ్యూల్ లోనే కంప్లీట్ చేసేసే ప్లాన్ లో ఉన్నారని తెలుస్తుంది. అంటే వచ్చే ఏడాదిలోనే ఈ సినిమా రిలీజ్ కూడా దాదాపు కన్ఫర్మ్ అని చెప్పొచ్చు. ఇక ఈ భారీ సినిమాలో శృతి హాసన్ హీరోయిన్ గా నటించగా రవి బాసృర్ సంగీతం అందిస్తున్నాడు.