ఇప్పుడు టాలీవుడ్ సహా ఏపీ రాజకీయ వర్గాల్లో పరిస్థితులు అంతకంతకు హీటెక్కుతున్నాయి అని చెప్పాలి. సినిమా వాళ్ళు రాజకీయాల్లో ఇన్ వాల్వ్ కావడం ఏమో కానీ రాజకీయం వాళ్ళు సినిమాల్లో ఇన్ వాల్వ్ కావడం అనేది ఆసక్తిగా మారుతూ వస్తుంది.
మరి లేటెస్ట్ గా సంచలనాల దర్శకుడు రామ్ గోపాల్ వర్మతో అయితే జగన్ భేటీ కావడం ఆ భేటీ అనంతరం పవన్ నే టార్గెట్ చేస్తున్నట్టుగా “వ్యూహం”, “శపథం” అనే రెండు సినిమాలు తాను అనౌన్స్ చేయడంతో వెంటనే ఈ చిత్రాలు పవన్ పైనే అని అందరికీ ఒక క్లారిటీ వచ్చేసింది.
ఇంకా పలు ఇతర డీటెయిల్స్ వినిపించగా వీటికి కౌంటర్ గా అయితే పవన్ సహా తన రాజకీయ వర్గాలు ఓ సినిమా తీస్తున్నారని దానికి నాగబాబు ఓ షాకింగ్ టైటిల్ కూడా రిజిస్టర్ చేయించారని కొన్ని రూమర్స్ ఇప్పుడు వినిపిస్తున్నాయి.
మరి వారు పవన్ పై వ్యూహం అనే సినిమా చేస్తే వీరు ‘శవం దగ్గర సంతకాలు’ అనే సినిమా చేస్తున్నట్టుగా ముందు టైటిల్ ని ఫిలిం ఛాంబర్ లో రిజిస్టర్ చేసినట్టుగా పవన్ ఫ్యాన్స్ లో చర్చ నడుస్తుంది. అయితే ఇది ఇంకా ఎంతవరకు నిజం అనేది తెలియదు కానీ పవన్ ని టార్గెట్ చేసినట్టు అయితే వారు అంత పని కూడా చేయకుండా ఉండరని మాత్రం చెప్పొచ్చు.