NTR: యంగ్ టైగర్ ఎన్టీఆర్ టాలీవుడ్ టాప్ మోస్ట్ హీరోలలో ఒకరు అని చెప్పడంలో సందేహం లేదు . ఎన్టీఆర్ తన నటన తో , డాన్స్ తో అభిమానులలో ఎంతో ఆదరణ సొంతం చేసుకున్నారు . ఎన్టీఆర్ తాజా గా RRR సినిమాలో నటించిన సంగతి అందరికీ తెలిసిందే కదా.ఈ సినిమాలో యంగ్ టైగర్ ఎన్టీఆర్ , మెగా పవర్ స్టార్ రామ్ చరణ్ హీరోలుగా నటించారు . ఈ సినిమాలో మన దర్శక ధీరుడు జక్కన్న ఎంతో ప్రతిష్టాత్మకంగా నిర్మించారు. ఈ సినిమా కోసం 400 కోట్ల రూపాయల బడ్జెట్ వెచ్చించారు.
వరుస సినిమాలతో ఎప్పుడూ బిజీగా ఉండే ఎన్టీఆర్ RRR సినిమా కోసం మూడు సంవత్సరాలు తన సమయాన్ని వేరే ఏ సినిమా చేయకుండా కేటాయించారు . ప్రతి సంవత్సరం ఏదో ఒక సినిమాతో ప్రేక్షకుల ముందుకు వచ్చే ఎన్టీఆర్ ఈ సినిమా కోసం తన జీవితంలో మూడు సంవత్సరాల సమయాన్ని మొత్తం గడిపారు .ఎన్టీఆర్ ఒక్కో సినిమాకి 30 కోట్ల రూపాయలు పారితోషికం తీసుకోగా అప్పటి నుండి ఆయన పారితోషికం 50 కోట్ల రూపాయలకు పెరిగిపోయింది . అయితే RRR సినిమా చేయటంవల్ల ఎన్టీఆర్ చాలా నష్టపోయారు అని ఇండస్ట్రీలో వినికిడి .
ప్రతి సంవత్సరం ఏదో ఒక సినిమాతో బిజీగా ఉండే ఎన్టీఆర్ RRR సినిమా చేయడం వల్ల దాదాపు 150కోట్ల రూపాయల నష్టపోయారని సినీ వర్గాలలో గుసగుసలు వినిపిస్తున్నాయి . సంవత్సరానికి ఒక సినిమాకి 50 కోట్ల రూపాయలు తీసుకునే ఎన్టీఆర్ మూడు సంవత్సరాలకు గానూ 150 కోట్ల రూపాయల పారితోషికాన్ని అందుకునేవారు .ఎక్కువ సంవత్సరాలు గ్యాప్ తీసుకోవడం తనకు,ఇండస్ట్రీకి మంచిది కాదని RRR సినిమా విడుదలైన తర్వాత కొరటాల శివ, ప్రశాంత్ నీల్, త్రివిక్రమ్ల ప్రాజెక్ట్స్కి గ్రీన్ సిగ్నల్ ఇచ్చి వరుస సినిమాలతో ప్రేక్షకుల ముందుకు రాబోతున్నారు. ఏది ఏమైనా రాజమౌళి నిర్మించిన RRR సినిమాలో నటించడం వల్ల ఎన్టీఆర్ గుర్తింపు ప్రపంచవ్యాప్తంగా పెరిగిపోయింది . ఈ సినిమా ఎన్టీఆర్ , రామ్ చరణ్ ఇద్దరు పాన్ ఇండియా స్టార్ గా గుర్తింపు తెచ్చుకున్నారు .