Chiranjeevi : ఇటీవల ఓ రియల్ ఎస్టేట్ సంస్థ కోసం చిరంజీవి ఓ ప్రకటనలో నటించిన సంగతి తెలిసిందే. చిరంజీవికి ప్రకటనల్లో నటించడం కొత్తేమీ కాదు. గతంలో థమ్స్ అప్ వంటి రకరకాల యాడ్స్లో నటించారు.
అయితే, ఇప్పుడు చిరంజీవి ఈ యాడ్లో నటించడానికి కారణమేంటీ.? అనే విషయంపై రకరకాల చర్చలు వినిపిస్తున్నాయ్.
గతంలో చిరంజీవి యాడ్స్లో నటించగా వచ్చిన సొమ్ముని చారిటీస్ కోసం వినియోగించేవారు. అలాగే ఈ యాడ్ ద్వారా వచ్చిన సొమ్మును కూడా యూజ్ చేస్తారా.? అని ఓ వైపు చర్చ జరుగుతోంటే, లేదు, లేదు, అస్సలు రెమ్యునరేషనే తీసుకోకుండా చిరంజీవి ఈ యాడ్లో నటించారంటూ మరోవైపు చర్చ నడుస్తోంది.
అనసూయ, సీనియర్ నటి కుష్బూ ఈ యాడ్లో చిరంజీవితో సహా కనిపించారు. అనసూయకీ, చిరంజీవికి మధ్య ‘మ్యానేజ్ చేశా..’ అనే ఓ డైలాగ్ వుంటుంది. ఆ డైలాగ్ ఇప్పుడు నెట్టింట తెగ పాపులర్ అయిపోయింది.
చిరంజీవి ఎలా మ్యానేజ్ చేశారంటూ నిజంగానే ఒకింత గట్టిగానే చర్చ జరుగుతోంది.
అయితే, ఈ మ్యానేజ్ అనేది చిరంజీవి వయసు విషయంలో. నిజమే ఈ యాడ్లో చిరంజీవి కుర్రోడిలా కనిపిస్తున్నాడు. ఫుల్ జోష్తో వున్నారు. ఏజ్ విషయంలో అలా ఎలా మ్యానేజ్ చేయగలిగాడు చిరంజీవి..
అంటూ ఆశ్చర్యపోతున్నారు ఆయన్ని చూసిన అభిమానులు. చిరంజీవి విషయంలో ఏజ్ అనేది జస్ట్ ఓ నెంబర్ మాత్రమే. కెమెరా ముందుకు వస్తే, ఆకాశమే హద్దు ఆయనకు. అందుకే ఆయన మెగాస్టార్ అంతే.!