Holi Kushi : క్యారెక్టర్ ఆర్టిస్టుగా వెండితెరపై ప్రగతికి ప్రత్యేక స్థానం వుంది. హుందా అయిన పాత్రలైనా, కాస్త కామెడీ మిక్స్ చేసిన పాత్రలయినా ప్రగతికి చక్కగా అతికిపోతాయ్. అలా వెండితెరపై ప్రగతి ఫుల్ బిజీగా గడుపుతోంది. వెండితర సంగతి అటుంచితే, సోషల్ తెర పైనా ప్రగతి ఓ రేంజ్లో వైరల్ అవుతోందీ మధ్య.
ఆమె చేసే డాన్సులూ, వర్కవుట్లూ.. ఇలా అన్నీ సోషల్ తెరపై హాట్ టాపిక్స్ అవుతున్నాయ్. సోషల్ మీడియాలో ప్రగతి జోరు చూసి, అప్పుడప్పుడూ ఆమె అభిమానులే ఆశ్చర్యపోతుంటారు. అంతలా ఎనర్జీ లెవల్స్ ప్రదర్శిస్తుంటుంది ప్రగతి. అలా నెట్టింట ఫుల్ ఫాలోయింగ్ సంపాదించుకుంది ప్రగతి ఆంటీ.
ఆ విషయంలో ప్రగతిని మెచ్చుకుని తీరాల్సిందే. ఈ ఆంటీకి వయసు పెరుగుతుందా.? తగ్గుతుందా.? అనే అనుమానాలు వ్యక్తమవుతుంటాయ్. తాజాగా హోళీ సందర్భంగా సోషల్ మీడియాలో ప్రగతి చేసిన సందడి అంతా ఇంతా కాదు. ఒళ్లంతా రంగులు పులుముకుని హుషారైన డాన్సింగ్ స్టెప్పులతో ఫుల్ జోష్తో వున్న ప్రగతి వీడియో ఇప్పుడు నెట్టింట్లో వైరల్ అవుతోంది. బోలెడన్ని లైకులూ, షేర్లూ పోటెత్తుతున్నాయ్ ఈ తాజా వీడియోకి.
తెలుగుతో పాటు, తమిళ, మలయాళ సినిమాల్లోనూ ప్రగతి నటించింది. కెరీర్ మొదట్లో హీరోయిన్గానూ కొన్ని తమిళ సినిమాల్లో నటించింది. తెలుగులో క్యారెక్టర్ ఆర్టిస్టుగా ఫ్యామిలీ ఆడియన్స్లో మంచి ఫాలోయింగ్ సంపాదించుకుంది. రీసెంట్గా కళ్యాణ్ దేవ్ ‘సూపర్ మచ్చి’ సినిమాలో నటించిన ప్రగతి, ప్రస్తుతం ‘భోళా శంకర్’, ‘ఎఫ్ 3’ తదితర సినిమాలతో బిజీగా వుంది.