Balakrishna: టాలీవుడ్ నందమూరి నటసింహం హీరో బాలకృష్ణ గురించి ప్రత్యేకంగా పరిచయం అక్కర్లేదు. గోపీచంద్ మలినేని దర్శకత్వంలో బాలకృష్ణ 107వ సినిమాగా ఒక సినిమా తెరకెక్కబోతోంది. యాక్షన్ ఎంటర్ టైనర్ గా తెరకెక్కబోతున్న ఈ సినిమాను అప్పుడే మొదలు పెట్టేశారు. ఈ సినిమా మైత్రి బ్యానర్ ఫై నిర్మిస్తున్నారు. ఇక ఈ సినిమాకు సంబంధించి మొదటి షెడ్యూల్ సిరిసిల్ల జిల్లా లో మొదలుపెట్టారు చిత్రబృందం.
భారీ బడ్జెట్ తో తెరకెక్కుతున్న ఈ సినిమాకు తమన్ సంగీతాన్ని సమకూర్చుతున్నారు. ఈ సినిమా రాయలసీమ నేపథ్యంలో తెరకెక్కబోతోంది అన్న విషయం తెలిసిందే. తాజాగా అందిన సమాచారం ప్రకారం నీటి సమస్య చుట్టూ ఈ కథ తిరుగుతుంది అని తెలుస్తోంది. ఇందులో బాలయ్య తండ్రి కొడుకులు గా కనిపిస్తారని తెలుస్తోంది. అంతే బాలయ్య ఈ సినిమాలో ద్విపాత్రాభినయం లో నటించబోతున్నారు. ఈ సినిమాలో బాలకృష్ణ సరసన శృతిహాసన్ హీరోయిన్ గా నటించబోతోంది.అలాగే ఇందులో వరలక్ష్మి శరత్ కుమార్ ఒక కీలక పాత్రలో నటించబోతోంది అని సమాచారం. ఇక ప్రతినాయకుడి పాత్రలో దునియా విజయ్ నటించబోతున్నట్లు తెలుస్తోంది.