ప్రస్తుతం ఇండస్ట్రీలో బయోపిక్ సినిమాల హవా నడుస్తోంది. తెలుగులో ఇటీవల మేజర్ సందీప్ ఉన్నీకృష్ణన్ జీవిత కథ ఆధారంగా మేజర్ సినిమా విడుదల చేశారు. తాజాగా విడుదలైన విరాటపర్వం సినిమా కూడా సరళ అనే మహిళ జీవిత కథ ఆధారంగా తెరకెక్కించారు. ఈ రెండు సినిమాలు ప్రేక్షకులను బాగా ఆకట్టుకున్నాయి. ఇక తమిళంలో ఇటీవల విడుదలైన రాకెట్రీ సినిమా కూడా ఇస్రో శాస్త్రవేత్త నంబి నారాయణన్ జీవితం ఆధారంగా రూపొందించారు. ఈ సినిమాలో మాధవన్ ప్రధాన పాత్రలో నటించారు. ఇటీవల విడుదలైన ఈ సినిమా కూడా ప్రేక్షకులని ఆకట్టుకొని హిట్ టాక్ సొంతం చేసుకుంది.
జూలై 1వ తేదీన విడుదలైన ఈ సినిమా గురించి స్టార్ హీరో రజినీకాంత్ ఆసక్తికర వ్యాఖ్యలు చేశాడు. తాజాగా ఈ సినిమా చూసిన రజినీకాంత్ సినిమా గురించి ఆసక్తికర విషయాలను వెల్లడిస్తూ ట్విట్టర్ లో ఒక స్పెషల్ నోట్ పోస్ట్ చేసాడు. ఈ క్రమంలో సినిమాలో ప్రధాన పాత్రలో నటించిన మాధవన్ మీద ప్రశంసలు కురిపించాడు. రజినీ కాంత్ ట్విట్టర్ ద్వారా షేర్ చేసిన స్పెషల్ నోట్ లో రాకెట్రీ.. ప్రతి ఒక్కరు చూడాల్సిన సినిమా. ముఖ్యంగా యువకులు ఈ సినిమా తప్పకుండా చూడండి అంటూ రాసుకొచ్చాడు.
ఇస్రో శాస్త్రవేత్త నంబి నారాయణన్ జీవితంలో జరిగిన సంఘటనల ఆధారంగా మాధవన్ రాకెట్రీ: ది నంబి ఎఫెక్ట్ చిత్రాన్ని తెరకెక్కించారు. ఈ సినిమాకి మాధవన్ దర్శకత్వం వహించాడు. భారతదేశ అంతరిక్ష పరిశోధన కోసం పనిచేస్తున్నప్పుడు నంబి నారాయణ్ కి జీవితంలో చాలా కష్టాలు ఎదురయ్యాయి. ఇలాంటి చిత్రాన్ని అందించినందుకు మాధవన్ కు ధన్యవాదాలు తెలుపుతూ రజినీ కాంత్ అంటూ ట్వీట్ చేశారు . అంతేకాకుండా ఈ సినిమాలో నంబి నారాయాన్ సాధించిన విజయాలతో పాటు అతడి మీద పెట్టిన తప్పుడు కేసులలో నిర్దోషి అని నిరూపించుకోవటానికి ఆయన చేసిన ప్రయత్నాలు బాగా చూపించారు అంటూ రాడుకొచ్చాడు.