Anchor Suma: తెలుగు ప్రేక్షకులకు సుమ కనకాల గురించి ప్రత్యేకంగా పరిచయం అక్కర్లేదు. బుల్లితెరపై ముకుటం లేని మహారాణిగా దూసుకుపోతోంది సుమ. బుల్లితెర ఈవెంట్ లతోపాటు వెండితెరపై ఈవెంట్లు చేస్తూ భారీగానే సంపాదిస్తోంది. పండుగ ఈవెంట్లు, ఫ్రీ రిలీజ్ వేడుకలు, షోస్, ఆడియో రిలీజ్ ఫంక్షన్లు ఇలా ఏ ఫంక్షన్ లో చూసిన సుమ పేరే మనకు వినిపిస్తూ ఉంటుంది. ఇంకా చెప్పాలంటే సుమ డేట్ల కోసం కొంతమంది దర్శకులు కూడా ఎదురు చూస్తూ ఉంటారు. అంత బిజీ బిజీగా ఉంటుంది సుమ.
అయితే సుమ మాటలు, యాంకరింగ్ గురించి తప్పితే ఆమె గురించి చాలా విషయాలు చాలా మందికి తెలియవు. తాను సంపాదించిన డబ్బుతో ఎంతో మందికి సాయం చేస్తోందీ స్టార్ యాంకరమ్మ. కానీ తాను సహాయం చేస్తున్న విషయాన్ని నలుగురికి తెలియకుండా జాగ్రత్త పడుతోంది. తన యాంకరింగ్ తో ప్రేక్షకులను ఎంటర్టైన్ చేయడం మాత్రమే కాకుండా ఎంతో మందికి సహాయం చేసి తన గొప్ప మనసును చాటుకుంది సుమ. ఫెస్టివల్స్ ఫర్ జాయ్ ఫౌండేషన్ పేరుతో పలు సేవా కార్యక్రమాలు నిర్వహిస్తోంది సుమ.
ఏదైనా పండగ వచ్చిందంటే చాలు.. తన వంతుగా విరాళాలు అందజేస్తుందట. అలా ఫెస్టివల్ ఫర్ జాయ్ ఫౌండేషన్ ద్వారా ఇప్పటికే 30కి పైగా విద్యార్థులకు, 30కి పైగా సెక్స్ ట్రాఫికింగ్ సర్వైవర్‌ లకు సహాయం అందిచిందట. అలాగే 200 పైగా కంటి చికిత్సలను కూడా చేయించిందట. అంతేకాకుండా ఎన్నో అంగన్‌వాడీ కేంద్రాలకు అవసరమైన సహాయం అందించిందట. ఇందుకు సంబంధించిన వీడియోను తాజాగా తన సోషల్ మీడియా ఖాతాలో షేర్ చేసుకుంది సుమ. ఈ వీడియో ప్రస్తుతం సోషల్ మీడియాలో వైరల్ గా మారింది. ఆ వీడియో చూసిన అభిమానులు, నెటిజన్లు సుమ పై ప్రశంసల వర్షం కురిపిస్తున్నారు. రియల్లీ సుమ చాలా గ్రేట్ అంటూ పొగడ్తల వర్షం కురిపిస్తున్నారు.