Daggubati Abhiram: తెలుగు సినీ పరిశ్రమలో కొన్ని కుటుంబాలు ఇండస్ట్రీని ఏలుతున్నాయి. అటువంటి కుటుంబాలలో దగ్గుబాటి కుటుంబం కూడా ఒకటి అని చెప్పుకోవచ్చు. దగ్గుబాటి కుటుంబం నుంచి వెంకటేష్ నటుడిగా ఎంట్రీ ఇచ్చాడు. ఆయన అన్న సురేష్ బాబు నిర్మాణ రంగంలో తన సత్తా చాటుతున్నాడు. ఇక వీరిద్దరి వారసత్వాన్ని పునికి పుచ్చుకుని దగ్గుబాటి రానా అటు నటుడిగా నిర్మాతగా ఇండస్ట్రీలో కొనసాగుతున్నాడు. తాజాగా దగ్గుబాటి కుటుంబం నుంచి మరొక వారసుడు ఇండస్ట్రీకి పరిచయం కానున్నాడు. అతనెవరో కాదు..దగ్గుబాటి సురేష్ బాబు చిన్న కుమారుడు దగ్గుబాటి అభిరామ్.
దగ్గుబాటి కుటుంబం నుంచి వచ్చిన వెంకటేష్ తర్వాత రానా ఇండస్ట్రీ లో గుర్తింపు సంపాదించుకున్నాడు. ఆయన తమ్ముడు దగ్గుబాటి అభిరామ్ ఎప్పుడో ఇండస్ట్రీకి రావాల్సి ఉండగా కొన్ని అనివార్య కారణాలవల్ల వాయిదా పడింది. ఎట్టకేలకు అభిరామ్ తెలుగు ఇండస్ట్రీలో అడుగు పెట్టనున్నాడు. డైరెక్టర్ తేజ దర్శకత్వంలో తెరకెక్కబోతున్న అహింస సినిమా ద్వారా హీరోగా పరిచయం కానున్నాడు. ఎంతోమందిని ఇండస్ట్రీకి పరిచయం చేసిన క్రెడిట్ తేజ గారికి దక్కుతుంది. ఈయన పరిచయం చేసిన వారిలో ఎంతో మంది హీరోలు ఇండస్ట్రీలో బాగా పాపులర్ అయ్యారు.
ఈరోజు తేజ గారి పుట్టినరోజు సందర్భంగా ఆయన దర్శకత్వం వహిస్తున్న అహింస సినిమా ద్వారా అభి రామ్ హీరోగా ఎంట్రీ ఇవ్వనున్న సంగతి ఫిలిం మేకర్స్ అధికారికంగా ప్రకటించారు. ఈ సందర్భంగా సినిమాకు సంబంధించిన ఫ్రీ లుక్ పోస్టర్ కూడా రిలీజ్ చేశారు. ఈ పోస్టర్లో అభిరామ్ ముఖం కనిపించకుండా కళ్లవరకు ఓ సంచితో కట్టేయగా బ్లడ్ కారుతున్న స్టిల్ అందరిలో ఆసక్తిని రేకెత్తిస్తోంది. ఆర్ పి పట్నాయక్ ఈ సినిమాకు సంగీతాన్ని సమకూర్చుతున్నారు. మొట్టమొదటిసారి అభి రామ్ హీరోగా, తేజ దర్శకత్వంలో వస్తున్న ఈ సినిమా అభిరామ్ కు ఎంత ఫేమ్ తెచ్చిపెడుతుందో చూడాలంటే వెయిట్ చేయాల్సిందే.