Game Changer – Pushpa 2: రామ్ చరణ్ గేమ్‌చేంజర్ టీజర్ ఇప్పుడు సోషల్‌ మీడియాను షేక్‌ చేస్తోంది. గేమ్ చేంజర్ టీజర్‌ను ఫ్యాన్స్‌, యాంటీ ఫ్యాన్స్‌ అందరూ కూడా పోస్ట్‌ మార్టం చేసేసి.. చిన్న చిన్న డీటైలింగ్స్‌ను పట్టుకుని స్టోరీలను అల్లేస్తున్నారు. ఇక ట్రోలింగ్‌ బ్యాచ్‌ అయితే రెడీగానే ఉంటుందన్న సంగతి తెలిసిందే. చాలా రోజులకు ఓ కలర్‌ ఫుల్‌, గ్రాండియర్‌ సినిమాను చూడబోతోన్నట్టుగా అనిపిస్తోందని శంకర్ ఫ్యాన్స్‌ అయితే సంబరంగానే ఉన్నారు. ఇది ప్యూర్‌ శంకర్ మార్క్‌ చూపించే సినిమాగా రాబోతోందని టీజర్ చూస్తే తెలుస్తోంది.
Pushpa 2: ‘పుష్ప 2’కి తమన్‌ బ్యాక్‌ గ్రౌండ్‌ స్కోర్‌!?
ఒకే టైంకి అటు గేమ్ చేంజర్, ఇటు పుష్ప 2 అప్డేట్లు రాబోతోన్నాయి. మరి ఈ అప్డేట్లతో సోషల్‌ మీడియా మొత్తం ఈ రెండు హ్యాష్‌ ట్యాగ్‌లే కనిపిస్తుం టాయి. అసలే ఇప్పటికే గేమ్ చేంజర్ టీజర్ రికార్డులు అంటూ మెగా ఫ్యాన్స్‌.. దేవర టీజర్, పుష్ప టీజర్‌ల రికార్డులను తెరపైకి తీసుకు వస్తున్నారు.
సోషల్‌ మీడియాలో ఫ్యాన్‌ వార్‌లు ఎక్కువ అవుతున్న సంగతి తెలిసిందే. బన్నీ వర్సెస్‌ మెగా ఫ్యాన్స్‌ అన్నట్టుగా ఈ తరుణంలోనే మట్కా ప్రీ రిలీజ్‌ ఈవెంట్‌లో వరుణ్‌ తేజ్‌ మాటలతో అగ్గి రాజేశాడు. ఎక్కడి నుంచి వచ్చామో.. ఎలా వచ్చామో అన్నది మర్చిపోతే.. అసలు సాధించిన సక్సెస్‌ వృథా అని అన్నాడు. ఈ మాటలు బన్నీకి కౌంటర్‌ అని మెగా ఫ్యాన్స్‌ ఫిక్స్‌ అయ్యారు.
Game Changer: శంకర్ గారితో పని చేయడం అదృష్టం.. గేమ్ చేంజర్ టీజర్ లాంచ్ ఈవెంట్‌లో రామ్ చరణ్
దీంతో మరోసారి అల్లు వర్సెస్‌ మెగా అన్నట్టుగా నెట్టింట్లో వార్‌ మొదలైంది. ఇలా ఫ్యాన్‌ వార్‌ ఉన్న టైంలోనే మైత్రీ నుంచి పుష్ప ట్రైలర్‌ అప్డేట్‌, గేమ్ చేంజర్ నుంచి టీజర్ థీమ్‌ రాబోతోంది. ఈ రెండు సినిమాల ఫలితాల తరువాత ఫ్యాన్స్‌ ఎలా రియాక్ట్‌ అవుతారో చూడాలి. అసలే ఈ రెండు పాన్‌ ఇండియా మార్కెట్‌ను టార్గెట్‌ చేసి బరిలోకి దిగుతున్న సంగతి తెలిసిందే.
