Bigg Boss Telugu 9: త్వరలోనే తెలుగులో బిగ్ బాస్ సీజన్ 9 ప్రారంభం కానుంది. ఈ షో కోసం తెలుగు ప్రేక్షకులు ఎంతో ఆత్రుతగా ఎదురుచూస్తున్నారు. అయితే మిగతా సీజన్లతో పోల్చుకుంటే ఈసారి మరింత రసవత్తరంగా ఉండబోతుందని ఇప్పటికే హోస్ట్ నాగార్జున తెలిపిన విషయం తెలిసిందే. అలాగే ఈసారి హౌస్ లోకి ఎవరెవరు ఎంట్రీ ఇవ్వబోతున్నారు ఇలాంటి అంశాలు మరింత ఆసక్తిని రేకెత్తిస్తున్నాయి. ఎందుకంటే గత సీజన్ల కంటే ఈసారి షోలో కొత్త రూల్స్, గేమ్స్, టాస్కులు ఉండనున్నట్లు తెలుస్తోంది.
అందుకు తగ్గట్టుగానే సిలబస్ మార్చేశాం, డబుల్ హౌస్, బిగ్ బాస్ ని కూడా మార్చేసాం అంటూ హోస్ట్ నాగార్జున బిగ్ బాస్ కొత్త సీజన్ పై మరింత ఆసక్తిని క్రియేట్ చేసారు. ఇప్పటికే అన్ని హంగులు పూర్తి చేసుకన్న బిగ్ బాస్ తెలుగు సీజన్ 9 ఆదివారం సెప్టెంబర్ 07 గ్రాండ్ గా లాంఛ్ కాబోతోంది. ఈసారి కంటెస్టెంట్ల ఎంపిక విషయంలో బిగ్ బాస్ టీమ్ వినూత్నంగా ఆలోచించింది. సెలబ్రిటీలతో పాటు సామాన్యులకు హౌస్ లో అవకాశం కల్పిస్తోంది. అందుకోసమే అగ్ని పరీక్ష అంటూ సరికొత్త కాంటెస్ట్ నిర్వహిస్తోంది. ఇక సెలబ్రిటీల విషయంలో చాలా కొత్త పేర్లు కూడా వినిపిస్తున్నాయి.
ప్రముఖ నటి ఫ్లోరా సైని అలియాస్ ఆశా సైని, ప్రముఖ కొరియోగ్రాఫర్ శ్రష్టి వర్మ, సీరియల్ నటి నవ్య స్వామి, ఎమ్మాన్యుయేల్, కావ్య శ్రీ, రీతూ చౌదరి ఇలా చాలామంది స్టార్స్ పేర్లు వినిపిస్తున్నాయి. అయితే ఈసారి బిగ్ బాస్ కంటెస్టెంట్ల లిస్టులో టాలీవుడ్ లో ఒకప్పటి కామెడియన్ పేరు కూడా వినిపిస్తోంది. 100కు పైగా సినిమాల్లో నటించి తెలుగు ఆడియెన్స్ ను కడుపుబ్బా నవ్వించాడు. కానీ సడన్ గా ఉన్నట్లుండి సినిమా ఇండస్ట్రీకి దూరం అయ్యాడు. ఈ క్రమంలో ఇప్పుడు బిగ్ బాస్ షోలో సత్తా చాటి నటుడిగా మళ్లీ బిజీ అవుదామని అనుకుంటున్నారు. అతను మరెవరో కాదు సుమన్ శెట్టి. దర్శకుడు తేజ తెరకెక్కించిన జయం సినిమాతో ఇండస్ట్రీలోకి అడుగు పెట్టాడు సుమన్ శెట్టి. మొదటి సినిమాలోనే తన యాక్టింగ్ తో ఆడియెన్స్ ను కడుపుబ్బా నవ్వించాడు. తన కామెడీ టైమింగ్ తో ఏకంగా నంది అవార్డు సైతం అందుకున్నారు. జయం తర్వాత ఆ తర్వాత బెండు అప్పారావ్ ఆర్ఎంపీ, ఆడవారి మాటలకు అర్థాలే వేరులే, యజ్ఞం, సంబరం, రణం, సంక్రాంతి, హ్యాపీ, ఉల్లాసంగా ఉత్సాహంగా, 7/జి బృందావన్ కాలనీ, బొమ్మన బ్రదర్స్ చందన సిస్టర్స్ లాంటి ఎన్నో సినిమాల్లో నటించాడు. అయితే బిగ్ బాస్ సీజన్ 9 ద్వారా మళ్ళీ రీ ఎంట్రీ ఇవ్వబోతున్నట్టు తెలుస్తోంది.
Bigg Boss Telugu 9: బిగ్ బాస్ 9 లోకి ఒకప్పటి కమెడియన్.. 100కి పైగా మూవీస్.. కానీ!
