మెగాస్టార్ చిరంజీవి కరోనా వేళ పలువురికి ఆర్ధికంగా సాయం చేస్తున్న సంగతి తెలిసిందే. ఈక్రమంలో ప్రముఖ ఫైటర్ పొన్నాంబళంకు చెన్నైలోని ఆసుపత్రిలో కిడ్నీ ట్రాన్స్ ప్లాంటేషన్ జరిగింది. ఆయన ఆరోగ్య పరిస్థితి తెలుసుకున్న చిరంజీవి 2లక్షల రూపాయలు పొన్నాంబళం అకౌంట్ కు బదిలీ చేశారు. ఈ సాయం గురించి తెలుసుకున్న పొన్నాంబళం ఓ వీడియోలో చిరంజీవికి కృతజ్ఞతలు తెలిపారు.
‘చిరంజీవి అన్నయ్యా.. క్లిష్ట సమయంలో నాకు ఆర్ధికసాయం చేసినందుకు మీకు మనస్ఫూర్తిగా కృతజ్ఞతలు చెప్పుకుంటున్నాను. కిడ్నీ ట్రాన్స్ ప్లాంటేషన్ కు మీరు పంపిన రెండు లక్షలు ఎంతో ఉపయోగపడ్డాయి. మీరు చేసిన సాయం ఎన్నటికీ మరువలేను. మీ పేరున్న ఆ దేవుడు ఆంజనేయస్వామి మిమ్మల్ని చిరంజీవిగా చూడాలని కోరుకుంటున్నాను. జై శ్రీరామ్’ అని తమిళంలో ఓ వీడియో సందేశం ఇచ్చారు. వీరిద్దరూ ఘరానా మొగుడు, ముగ్గురు మొనగాళ్లు, హిట్లర్ సినిమాల్లో నటించారు. ఘరానా మొగుడులో వీరిద్దరి మధ్య వచ్చే ఫస్ట్ ఫైట్ ఆడియన్స్ ను విపరీతంగా ఆకట్టుకుంది.
