నందమూరి తారకరామారావు వారసుడిగా ఇండస్ట్రీలోకి ఎంతోమంది వచ్చినప్పటికీ ఆయన వారసుడిగా బాలకృష్ణ మాత్రమే ఇండస్ట్రీలోకి నిలదొక్కుకున్నారు. బాలకృష్ణ ఇండస్ట్రీలో బాలనటుడిగా ఎంట్రీ ఇచ్చి అనంతరం 14 సంవత్సరాలకే నటుడిగా వెండితెరపై సందడి చేశారు.ఈ విధంగా నందమూరి వారసుడుగా సుమారు ఐదు దశాబ్దాల నుంచి ఇండస్ట్రీలో కొనసాగుతున్న బాలకృష్ణ ఎన్నో అద్భుతమైన సినిమాల్లో నటించడమే కాకుండా అద్భుతమైన రికార్డులను సృష్టించారు. బాలకృష్ణ ఎక్కువగా యాక్షన్ చిత్రాలలో నటిస్తూ మంచి గుర్తింపు పొందారు.
బాలకృష్ణ సినీ కెరీర్లో ఎన్నో కుటుంబ కథా చిత్రాలతో పాటలు యాక్షన్ చిత్రాలలో కూడా నటించారు.ఇక పోతే ఎన్నో విభిన్న పాత్రలలో నటించిన బాలకృష్ణ తన తండ్రి స్వర్గీయ రామారావు గారి జీవిత చరిత్రలో కూడా నటించారు. ఈ విధంగా తండ్రి బయో పిక్ చిత్రంలో నటించిన ఏకైక హీరోగా బాలకృష్ణ రికార్డు సాధించిన ఘనత బాలకృష్ణకు మాత్రమే దక్కుతుందని చెప్పాలి.అయితే దురదృష్టవశాత్తు ఆయన తన తండ్రి బయోపిక్ చిత్రంలో నటించిన రెండు సినిమాలు కూడా బాక్సాఫీస్ వద్ద పెద్దగా ప్రేక్షకులను సందడి చేయలేకపోయాయి.
ఇకపోతే బాలకృష్ణ ప్రస్తుతం వరుస సినిమాలతో ఎంతో బిజీగా గడుపుతున్నారు.ఈ క్రమంలోనే బోయపాటి శ్రీను దర్శకత్వంలో వచ్చిన ఈ సినిమా అద్భుతమైన విజయాన్ని అందుకోగా ప్రస్తుతం గోపీచంద్ మలినేని దర్శకత్వంలో మరో యాక్షన్ తరహా చిత్రంలో నటిస్తున్నట్లు తెలుస్తోంది.ఇకపోతే తాజాగా ఈ సినిమా నుంచి విడుదలైన టీజర్ ప్రేక్షకులను విపరీతంగా ఆకట్టుకుంటుంది. ఈ సినిమా అనంతరం బాలకృష్ణ అనిల్ రావిపూడి దర్శకత్వంలో మరో సినిమా చేయనున్నారు.