Pooja Hegde : ప్రబాస్, పూజా హెగ్దే కాంబినేషన్లో తెరకెక్కిన ‘రాధేశ్యామ్’ రీసెంట్గా ప్రేక్షకుల ముందుకొచ్చిన సంగతి తెలిసిందే. ఈ సినిమా రిజల్ట్ గురించి మన టాపిక్ కాదిప్పుడు. ఈ సినిమా షూటింగ్ టైమ్లో వీరిద్దరి మధ్యా ఏవో కిరికిరిలు వచ్చి వీరి మధ్య స్నేహం చెడిందనీ, పూజాపై ప్రబాస్, ప్రబాస్పై పూజా ఇద్దరూ తెగ గుస్సా అయిపోతున్నారంటూ నెట్టింట వార్తలు గుప్పు గుప్పుమన్న సంగతి తెలిసిందే.
అలాంటిదేం లేదంటూ సినిమా ప్రమోషన్స్ టైమ్లో వీరిద్దరూ చెబుతూ వచ్చారు.
అయినా ఆ రూమర్లకు చెక్ పడినట్లు లేదు. అందుకే మరోసారి పూజా హెగ్దే ఆ రూమర్స్కి చెక్ పెట్టే ప్రయత్నం చేసింది. ‘ప్రబాస్తో నా కాంబినేషన్ చాలా బాగుందంటూ అందరూ అంటున్నారు.. అందుకే ప్రబాస్తో ఇంకోసారి స్ర్కీన్ షేర్ చేసుకోవాలని వుంది..’ అంటూ పూజా హెగ్దే తాజాగా ఓ ఇంటర్వ్యూలో చెప్పింది.
అంతేకాదు, ఏ సినిమాలో పూజా, ప్రబాస్తో జత కట్టాలనుకుంటుందో కూడా చెప్పేసింది. ఆ సినిమా పేరు తెలిస్తే షాకవ్వాల్సిందే. ‘బాహుబలి 3’ లో పూజా హెగ్దే, ప్రబాస్తో నటించాలనుకుంటోందట. అదీ అసలు సంగతి. ‘బాహుబలి 3’ ఎప్పటికి రావాలి.?
పూజాహెగ్దేనా మజాకానా.! ఆమె చెప్పిన మాట నిజం కావాలంటే మరో పదేళ్లయినా ఈజీగా పట్టేస్తుందేమో. ప్రస్తుతం ప్రబాస్ చేతిలో బోలెడన్నిప్రాజెక్టులున్నాయ్. అలాగే పూజా చేతిలో కూడా. ఇక అసలు సిసలు రింగ్ మాస్టర్, మూడో బాహుబలిని చెక్కాల్సిన జక్కన్న డైరీ కూడా ఇప్పట్లో ఖాళీ లేదు మరి.
అంతా బాగానే వుందిగానీ, ‘బాహుబలి’ మూడో పార్ట్ విషయంలో నటీనటుల్ని ఖాయం చేయాల్సింది జక్కన్న కదా.! ఆయన లెక్కలు వేరే వుంటాయ్ కదా.?