RRR Deleted scenes : ‘ఆర్ఆర్ఆర్’ సినిమా యాక్చువల్ నిడివి మూడు గంటలు. అయితే, కొన్ని టెక్నికల్ కారణాల వల్ల ఆ ఫుల్ రన్ టైమ్ని కాస్త తగ్గించి సినిమా రిలీజ్ చేశారు. ఆ లోటు ఎక్కడా తెలియకుండా సినిమాని ఎంజాయ్ చేస్తున్నారు ప్రేక్షకులు. ఫుల్ రన్ టైమ్కి రన్ టైమ్కి సంబంధించి కొన్ని సీన్లు పక్కన పెట్టేశారట.
ఆ సీన్లు ఒక్కొక్కటిగా ఇప్పుడు యాడ్ చేసుకుంటూ రావాలని చిత్రయూనిట్ భావిస్తోందట. అయితే, ఎక్కడ, ఎప్పుడు, ఎలా యాడ్ చేయాలన్నఆలోచనలో చిత్రయూనిట్ ఆచి తూచి వ్యవహరిస్తోందట. అతి త్వరలోనే ఈ విషయమై జక్కన్న అండ్ టీమ్ నిర్ణయం తీసుకోనుందనీ తెలుస్తోంది.
ఇక, ఈ డిలీటెడ్ సీన్లలో చాలా ఇంట్రెస్టింగ్ అంశాలున్నాయట. చరణ్, ఎన్టీయార్ మధ్య సాగే కొన్ని ఎమోషనల్ సీన్లతో పాటు, ప్రేక్షకుల్ని షుషారెత్తించే ఎంటర్టైన్మెంట్ సీన్లు కూడా వున్నాయట. అలాగే ఓ ఇంట్రెస్టింగ్ యాక్షన్ ఘట్టం కూడా వుందని తెలుస్తోంది.
ఇప్పటికే కంప్లీట్ సక్సెస్ టాక్తో రన్ అవుతోన్న ‘ఆర్ఆర్ఆర్’కి ఇన్ని ఆసక్తికరమైన అంశాలున్న ఈ డిలీటెడ్ సీన్లను యాడ్ చేస్తే, ఇంకెన్నిఅద్భుతాలు సృష్టించేస్తుందో కదా. బహుశా నాలుగైదు రోజుల్లోనే ఈ విషయంపై తుది నిర్ణయానికి రావచ్చట చిత్ర యూనిట్. ఉగాది హాలీడేని క్యాష్ చేసుకునే దిశగా ‘ఆర్ఆర్ఆర్’ మేకింగ్ టీమ్ అడుగులు వేస్తున్నట్లు తెలుస్తోంది.